LECTURAS DEL LUNES TRIGÉSIMO
29 octubre, 2023LECTURAS SANTOKUÉRA ÁRA
1 noviembre, 2023LECTURAS DEL MARTES TRIGÉSIMA SEMANA
Primera lectura:
Ñahendúta Tupã Ñandejára Ñe’ẽ San Pablo ohai va’ekue Roma guápe 8, 18-25
Che pehẽnguekuéra:
Che ha’e ko’ã jehasa asy ko’ágä gua ndaha’eiha mba’eve ñambojoja ramo pe vy’a mimbipáre, jahasátava upe rire. Opa mba’e ijapo pyre oha’arõ py’a tarovápe ojekuaa porã ñande Tupã Ñandejára ra’yha. Opa mba’e ijapo pyre niko osẽ hapégui ha oñembyaipa, ndaha’éi ijehegui rei oipotágui, Tupã Ñandejára upéicha oipotáguinte. Ha upéicharõ jepe, opa ára oha’arõva, osẽ tembiguái reko ha ñehundígui, ohupity haguã pe vy’a mimbipa pegua teko sã’ÿ oguerekóva Tupã Ñandejára ra’y kuéra.
Jaikuaa niko ko’ágä peve opa mba’e ijapo pyre ohasa asyha peteĩ kuña imemby pota vaicha. Ha ndaha’éi ha’énte ohasa asýva, ñande avei jahasa asy, ñande jarekómava pe Espíritu, oñeme’ẽ tenonde va’ekue ñandéve. Jahasa asy eterei ñaha’arõvo pe ára jajerereko haguã Tupã Ñandejára ra’y ramo, ha ñande rete osẽ jejopýgui.
Upe mba’e ñaha’arõva reheve ñañe renohẽ va’ekue jejopýgui. Ñaha’arõ pe jahechámava niko ndaha’éi ñeha’arõ. Máva voi piko oha’arõ pe ohechámava? Ha ñaha’arõ ramo mba’e jahecha’ỹva gueteri, ñaha’arõ va’erã jaropu’akávo ñande jehasa asy.
Tupã Ñandejára Ñe’ẽ.
SALMO ÑEMBOHOVÁI 125, 1-6
Opavave: Tuicha mba’e Tupã Ñandejára ojapo va’ekue ore rehe.
Ore Jára ore reraha jevy ramo guare Siónpe
iñapytĩmby rojerereko haguégui tetã mombyrýpe,
ha’ete vaicha oréve ku ore képe rohecha ramo guáicha.
Upérõ ropuka reípa vy’águi ha rosapukái joa va’ekue . O.
Ambue tetã rupi oje’e ore rehe:
“Tuicha ite mba’e niko Tupä Ñandejára ojapo hesekuéra.”
Tuicha mba’e Tupä Ñandejára ojapo va’ekue ore rehe.
Ha tuicha rovy’a va’ekue upe ramo. O.
Ore Jára! eme’ẽ jevy oréve umi mba’eta roguereko va’ekue,
ku ama omoenyhẽ háicha umi ysyry.
Umi tesaýpe oñemitỹ va’ekue
vy’a pópe omono’õne ikoga’a. O.
Upe tesaýpe osëva kokuére
mba’e ra’ỹi ipo renyhẽ oñotỹ haguã vy’a pópe ou jevýne koga’a apesã ipópe. O.
ALELUIA Cf. Mt 11, 25
Aleluia.
Nde niko hovaspyre, ore Ru, Tupä yvy ha yvága Jára,
hehechauka va’ekue mba’e guasu ete Sambyhy rehegua
umi imichïvévape.
Aleluia.
EVANGELIO
Ñahendúta Ñandejára Jesucristo rekove ha hemimbo’e San Lucas omombe’u háicha 13, 18-21
Upe ramo Jesús he’i avei:
“Mba’épepa ojogua pe Tupã Ñandejára sãmbyhy ha mba’e rehépa ikatu ambojoja? Ojogua ku mostása ra’ỹime ojereraháva oñeñotỹ kokuépe, ha upéi opu’ã yvatéva yvyra mátaicha ha guyra ou ojaitypo hakãre.”
Jesús he’i avei: “Mba’e rehépa ikatu ambojoja pe Tupã Ñandejára sãmbyhy? Upéva ha’e ku mbuja mbovu háicha peteĩ kuñakarai ombojehe’áva 25 kílo rupi hu’itĩ, ipahápe ombovupáva.”
Ñandejára Jesucristo Ñe’ẽ.