LECTURAS DEL MARTES 27 DE AGOSTO

LECTURAS DEL MARTES 27 DE AGOSTO

Primera Lectura

Ko’ágä   ñahendúta Tupã Ñandejára ñe’ẽJueces arandukápe oĩháicha         

                                    6, 11-24a.

Ófrape niko oĩva’ekue  peteĩinga máta Joás mba’éva ha ou Tupã Ñandejára remimbou oguapy iguýpe. Joás niko Abiezer rogaguáva. Gedeón, Joás ra’y katu ojykýi hína trígo upe vino ojejapohápe kañyháme umi Madián guágui. Tupã Ñandejára remimbou ojechauka Gedeónpe ha he’i ichupe: Tupã Ñandejára toĩne ndive. Nde niko karia’y py’a guasu mbarete hína. 

Gedeón katu he’i ichupe: Háa, nde karai. Tupã Ñandejára oĩrire ore ndive piko mba’ére ojehu oréve ko’ã mba’e. Mba’étepa oiko raka’e umi mba’e techapyrãvagui ore ru kuéra omombe’úmiva oréve he’i ramo: ‘Ha’e piko na ñane nohẽi va’ekue Egíptogui’? Ko’ágã katu Tupã Ñandejára ore reja tyre’ỹha ore moĩMadiangua pópe. 

Oma’ẽhese Tupã Ñandejára ha he’i ichupe: Ko mbarete rehechaukáva reheve renohẽta Israélpe upe ojejopy vaihágui Madiangua po guýgui. Che hína upe romondóva. 

Ha he’i ichupe Gedeón: Háa, nde karai. Mba’éicha piko aipo che anohẽta Israélpe upe ojejopy vaihágui? Ore rogagua niko umi ore mboriahuvéva Manasesgua apytépe, ha che katu niko upe imitãvéva ógape. 

Tupã Ñandejára he’i ichupe: Añetehápe ha’e ndéve che aimetaha ne ndive ha sarambi rejapóta Madián guágui. Peteĩkuimba’e rehe reñemoĩramo guáicha, upéicha rejapóta hese kuéra. 

He’i ichupe Gedeón: Oime ramo nde py’a porã che ndive ajerure ndéve rehechauka haguã chéve ndeha upe reñe’ỹva chéve. Epyta che ra’arõ ápe ha taha ta gueru ndéve mba’e kuave’ẽ. 

Tupã Ñandejára remimbou he’i ichupe: Roha’arõta reju jevy peve. 

Oho Gedeón ojuka peteĩkavara ra’y ha ojapo pan ovu’ỹva peteĩkambuchi trígo ku’ígui. Omoĩupe kavara ro’o peteĩajaka’ípe ha upe so’o rykue oheja óllape ha ogueru omoĩTupã Ñandejára remimbou renondépe upe inga máta guýpe. 

Ha upépe Tupã Ñandejára remimbou he’i ichupe: Emoĩupe so’o ha umi pan ko ita ári ha eñohẽhi’ári upe so’o rykue. 

Ha ojapo upéicha Gedeón. 

Oipyso Tupã Ñandejára remimbou upe yvyra ipópe orekóva ha omboja ijapýra upe so’o ha umi pan upe ita ári oĩvare. Upévo osẽtata rendy upe itágui ha ombokusugue umi mba’e oĩva ita ári. Ha Tupã Ñandejára remimbou katu upépe oĩhágui ndojekuaavéi. 

Gedeón ohecha kuaávo upe kuimba’e Tupã Ñandejára remimbou hague he’i: Háa! Tupã che Jára. Tupã remimbou rova itére niko amaña. 

Tupã Ñandejára katu he’i ichupe: Ani rekyhyje térã nde py’a tarovátei, neremano mo’ãi. 

Ha Gedeón omopu’ã itágui upépe peteĩaltar Tupãme ha omoĩichupe herarã “Tupã Ñandejára niko py’a guapy”. 

Tupã Ñandejára Ñe’ẽ.

SALMO ÑEMBOHOVÁI                       84, 9. 11-14

R.Tupä Ñandejára ome’ẽta py’aguapy tetãguápe.

Ajapysakáta Tupã Ñandejára he’ívare. 

Ha’e he’i ome’ẽtaha py’a guapy

hetãme ha umi hese ojeroviávape 

anive haguã ojavy hikuái. R.

Mborayhu ha añete oñuguãitĩne, 

py’aguapy ha teko joja oñoañuáne. 

Añete heñóine upe yvýgui, 

ha teko joja yvágagui oma’ẽne. R.

Tupä Ñandejára, ha’ete voi ome’ẽta ñandéve iporãva, 

ha ko ñande yvy ome’ẽta hi’a. 

Teko joja ohóne henonderã, 

ombosako’ívo ichupe haperã. R.

ALELUIA. 2Cor  8,9

Aleluia. 

Ñandejára Jesucristo imba’e retáva ramo jepe ñande rehe hápe oñemomboriahu, ikatu haguäicha ñane momba’e reta imboriahukuépe. 

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Mateo omombe’u háicha. Pejapysaka porãtapa hese?          

                                   19, 23-30

Upe ramo Jesús he’i hemimbo’e kuérape: Añete ha’e peẽme, hasyha umi imba’e retávape oike haguã Tupã Ñandejára sãmbyhýpe. Ha’eve katu peẽme, hasyvéta peteĩimba’e retávape oike haguã Tupã Ñandejára sãmbyhýpe, peteĩkavajúgui ohasa rangue ju resa rupi. 

Hemimbo’e kuéra ohendúvo upéva omomba’ete, ha he’i ojupe: Máva piko aipórõ ikatúta oñepysyrõ? 

Jesús oma’ẽhese kuéra ha he’i: Yvypóra kuérape guarã upéva ndaikatúi. Tupã Ñandejárape guarã katu ndaipóri mba’eve ikatu’ỹva ojapo. 

Upe marõ Pedro he’i ichupe: Ore niko roheja opa mba’e ndéve romoirũhaguã. Mba’éichapa oñemoengoviáta oréve upéva? 

Jesús he’i ichupe kuéra: Añetehápe ha’e peẽme, oguahẽvo pe ára opa mba’e oñembopyahupa jevývo, che, yvypóraicha aju va’ekue, aguapýta che guapyha omimbipávape. Ha peẽche moirũva’ekue, peguapýta avei 12 guapyhápe, pembojovake haguã umi 12 Israelgua ñemoñarépe. Ha opa oheja va’ekuépe hóga térã ityvýra, térã iteindýra, térã itúva, térã isy, térã hembireko, térã ita’ýra, térã ijyvy che rehehápe, pe peteĩoheja va’ekue  rendaguépe ohupitýta 100. Ha heta umi ko’ágä  itenondéva, itapykuéta. Ha heta umi ko’ágä  itapykuéva, itenondéta. 

Ñandejára Jesucristo Ñe’ẽ