LECTURAS DEL MIÉRCOLES 21 DE AGOSTO

LECTURAS DEL MIÉRCOLES 21 DE AGOSTO

PRIMERA LECTURA 

Ko’ágä   ñahendúta Tupã Ñandejára ñe’ẽJueces arandukápe oĩháicha         

                                   9, 6-15

OñemboatypaSiquem ha Bet-Milogua oñondive. Siquémpe oĩpeteĩyvyra máta guasu ha ijypýpe peteĩitapuku oñemoñembo’y va’ekue  tupã nguérape upépe oñekuave’ẽhaguã. Upépe oho omoingo haguã Abimélecpe huvicharã hikuái. Jotam ohendúvo ko’ã mba’e oho ojupi yvyty Gerizim ru’ãme ha hatã osapukái ha he’i: 

Pe cherendúke peẽSiquemgua, ha Tupã Ñandejára ta pene rendu avei peẽme: 

Oñemboaty va’ekue  ndaje raka’e yvyra máta kuéra oiporavóvo ijapytégui kuérape peteĩme huvicharã. He’i ndaje olívo mátape hikuái: Eikóna nde ore ruvicha ramo. 

Olívo ndaje katu he’i ichupe kuéra: Nahániri. Aikórõ pende ruvicha ramo niko umi che águi ndoiko mo’ãvéi upe aséite ojeporúva oñemomba’e haguã Tupã Ñandejára ha yvypóra kuérape. 

He’i ndaje Upe marõ hikuái ígo mátape: Eikóna nde ore ruvicha ramo. 

 He’i katu ígo ichupe kuéra: Nahániri. Che aikórõ pende ruvicha ramo ndaikatu mo’ã véima ame’ẽumi che a he’ĩha hetéva. 

He’i upe marõ hikuái parrálpe: Eikóna nde ore ruvicha ramo. 

He’i parral ichupe kuéra: Nahániri. Aikórõ pende ruvicha ramo ahejáta upe che rykue re’ẽte ombopy’a rorýva Tupã Ñandejára ha yvypórape. 

He’i upe marõ yvyra máta kuéra juasy’ýpe: Néipy eiko nde ore ruvicha ramo. 

Juasy’y he’i ichupe kuéra: Che pota ramo añetehápe pende ruvicharã peju peñemo’ã che guýpe. Ndapejuséi ramo katu, osẽta tata che hegui ohapýtáva yvyra máta kuéra oĩva Líbano yvytýre. 

Tupã Ñandejára Ñe’ẽ.

SALMO ÑEMBOHOVÁI                       20, 2-7

R.Ñandejára, ore ruvicha ovy’a remombarete haguére ichupe. 

Ñandejára, ore ruvicha ovy’a remombarete haguére ichupe. 

Ovy’a, nde rupi ipu’aka haguére umi hese oñemoĩvare. 

Reme’ẽichupe umi mba’e ipy’a ite guive oipotáva, 

ha hembi jerure neremboykéi. R.

Ne rendápe oguahẽha tuicha rehovasa, mba’e jegua 

óro mburuvicha guasu oiporúva remonde iñakãre. 

Oikove puku haguã ojerure ndéve, 

ha reme’ë ichupe jeikove nde pukupa jepéva. R.

Imbarete ichupe reipytyvõgui, 

remoherakuã ha remomarangatu. 

Ichupe rehovasa opa árape, 

ha ijypýpe reime rupi rembovy’a. R.

ALELUIA

Heb 4, 12

Aleluia. 

Tupä Ñandejára Ñe’ë hekove ha ikatupyry;

oiporavo umi ivai ha iporäva ha opa mba’e 

oïva ñane korasöme. 

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Mateo omombe’u háicha. Pejapysaka porãtapa hese?          

                           19, 30 – 20, 16

Upe ramo Jesús he’i hemimbo’e kuérape: 

Ñesãmbyhy yvágagui oúva niko ojogua ku kokue járape osẽva pyharevete ohekávo omba’apo va’erã ichupe iparraltýpe. Ha oguahẽrire peteĩñe’ẽme ome’ẽvo ichupe kuéra pe viru oñeme’ẽva voínte peteĩára oñemba’apo va’ekuére, omondo ichupe kuéra iparraltýpe. Upéi asajeve, osẽoho oñeñemuháme ha upépe ojuhu hetã hembiapo’ỹvape. 

He’i ichupe kuéra: “Tapeho peẽavei pemba’apo che parraltýpe, ha heko itépe ame’ẽta peẽme viru”. Ha oho hikuái. Pe óga jára osẽjevy asajepyte, ha upéi katu ka’aru asaje rupi, péicha jevy ojapo. Ha ka’aru ete, osẽoho jevy upe oñeñemuháme ha ojuhu jevy upépe hembiapo’ỹvape. Ha he’i ichupe kuéra: “Mba’ére piko peẽpeime rei peína ko’ápe ára pukukue pemba’apo’ỹre?” 

He’i hikuái ichupe: “Avave niko na ore nomba’apói.” Upérõ he’i ichupe kuéra: “Tapeho pemba’apo peẽavei che yvýpe, ha ame’ẽta peẽme viru heko itépe.” Ka’aru pytũvo pe óga jára he’i pe iparralty ñangarekohárape: “Ehenói umi omba’apóvape ha eme’ẽichupe kuéra pe hembiapokue repy. Eñepyrũumi itapykueve oguahẽva’ekuégui ha ipahávo eme’ẽumi oike tenondeve va’ekuépe.” Ha oguahẽumi ka’aru ete oike va’ekue, ha ichupe kuéra oñeme’ẽviru omba’apórõ guáicha peteĩára pukukue. 

Upéi, oguahẽvo umi tenondete oike va’ekue, oimo’ã ichupe kuéra oñeme’ẽhetavetaha. Ichupe kuéra katu oñeme’ẽumi ambuépe oñeme’ẽhaguéichante. Oñeme’ẽvo ichupe kuéra hembiapokue repy, oñepyrũipochy pe óga jára ndive. 

He’i ichupe: “Umi tapykue oike va’ekue  niko, sapy’amínte omba’apo ha reme’ẽichupe kuéra oréve reme’ẽháicha, jepe ore ára pukukue romba’apo pe kuarahy akúpe.” Pe óga jára katu he’i ichupe kuéra: “Che irũ, ndajapói niko nde rehe mba’eve hendape’ỹva. Ndajapytái nga’u piko ra’e remba’apotaha chéve virúre oñeme’ẽva peteĩára oñemba’apóvare? Erekóma niko ne rembiapo repykue, tereho nde rógape. Che ame’ẽse ramo pe tapykuete oike va’ekuépe ndéve ame’ẽháicha, piko máva he’íta chéve mba’eve, ajapo haguére ajaposéva viru arekóvagui? Nde pochy nga’u piko che ndive, che mba’e porã haguére?” 

Upéi he’i Jesús: “Ha péicha, umi itenondéva itapykuéta, ha umi itapykuéva itenondéta.” 

Ñandejára Jesucristo Ñe’ẽ