Lecturas del viernes 23 de agosto

Lecturas del viernes 23 de agosto

PRIMERA LECTURA

Ko’ágä ñahendúta Tupã Ñandejára ñe’ẽ Rut arandukápe oĩháicha    

         1, 1-2 a. 3-6. 7-8. 14b-16. 22

Yma Israélpe ndaipóri ramo gueteri mburuvicha guasu oiko tuicha ñembyahýi upe tetãme. Judá ñemoñare kuéra yvýgui, táva Beléngui, osẽpeteĩkarai hembireko ha ita’ýra mokõi ndive, oho haguã oiko tetã Moábpe. Ko karai héra va’ekue Elimélec, hembireko Noemí ha ta’ýra mokõi katu Mahlón ha Quelión.

Upéi Noemí ména omano ha opyta ha’e imemby mokõi reheve. Ko’ãva omenda kuña Moab guáre. Peteĩva héra Orpa ha pe ambue katu Rut. 10 áño haguépe katu omano avei Mahlón ha Quelión ha opyta Noemí ha’eñomi, mena’ỹre ha memby’ỹre. 

Ha ohendúvo Tupä Ñandejára imandu’a jevyha hetãre, ha oguereko jevymaha hikuái ho’u va’erã, Noemí imemby rembirekore mokõive ndive osẽpe oikohágui ha oje’ói hikuái Judápe. 

Tapére Noemí he’i umi mokõi imemby rembirekokuépe: Ta peho jevýnte pende sy rógape. Tupä Ñandejára to hechakuaa peẽme, peẽpehechakuaa haguéicha chéve ha che memby kuérape.

Hasẽjevy hikuái. Ha Orfa ohetũrire Noemíme oho hetãme. Rut katu opyta hendive. 

Ha Rut he’i ichupe: Anivétei ere chéve roheja haguã. 

Nde rehohápe, che aháta, nde reikohápe, che aikóta, ne retã, ta che retã, ne Tupã, ta che Tupã. 

Remanoháme amanóta, ha upépe añeñotỹta. 

Amano ramo mante ikatúne roheja. 

Ha roheja ramo amano’ỹre, Tupä Ñandejára to jahéi che rehe. 

Upéicha ojevy va’ekue  Noemí imemby rembirekore Rut, upe kuña Moabgua ndive. Oguahẽhikuái Belénpe oñepyrũjave koga’a seváda ñemono’õ kokuépe.

Tupã Ñandejára Ñe’ẽ.

SALMO ÑEMBOHOVÁI              145, 5-10

R.To ñemomba’e guasu Tupä Ñandejára. 

Ovy’a va’erã upe Jacob Tupã oipytyvõvape, 

upe ojeroviáva Tupã Ñandejára rehe. 

Tupä Ñandejára upe ojapo va’ekue  yvága ha yvy, 

yguasu ha opa mba’e ipype oĩva. R.

Ha’e niko nopyrũiva iñe’ẽre.

Oñemoĩuvei ojejopy vaíva ykére, 

ha omongaru iñembyahýivape. 

Tupä Ñandejára opoi umi iñapytĩmby ojererekóvagui. R.

Tupä Ñandejára oheja umi ohecha’ỹvape ohecha jevy, 

Tupä Ñandejára omopu’ã umi ikangývape, 

Tupä Ñandejára ohayhu umi heko jojávape.

Tupä Ñandejára oñangareko umi mombyry guáre. R.

Ha ityre’ỹha iména manóvape ha’e oipytyvõ. 

Heko vaíva rape katu ha’e ohundi. 

Tupä Ñandejára niko mburuvicha guasu opa árape guarã. 

Táva Sión! Ñandejára ne sãmbyhýta opa árape.  R.

ALELUIA                 Cf. Sal 24, 4b.5a.

Aleluia. 

Tupä Ñandejára ehechaukami chéve umi nde rape, 

che mboguata upe tape teko jeroviapývare. 

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Mateo omombe’u háicha. Pejapysaka porãtapa hese?          

                                   22, 34-40

Upe ramo umi fariséo ohendúvo Jesús omokirirĩhague umi Saduséope, oñemboaty hikuái ha oho Jesús rendápe. Peteĩva, Moisés rembiapoukapy mbo’eha, omoñuhã haguãicha oporandu ichupe: 

“Mbo’ehára, mávapa umi Tupã Ñandejára rembiapoukapy apytépe mba’e guasuvéva”? 

Jesús he’i ichupe: 

‘Ehayhu Tupã nde Járape ne nde py’a ite guive, ne ánga rugua guive ha ne arandukue reheve.’ 

Kóva hína pe mba’e guasuvéva ha pe tenondeteguáva. Upéva rire oúva ojogua ichupe, ha he’i kóicha: 

‘Ehayhu nde rapichápe rejehayhu háicha nde.’ 

Ko’ã mokõi tembiapoukapy ári oguapy hína Moisés rembiapoukapy ha opa mba’e maranduhára kuéra ombo’e va’ekue . 

Ñandejára Jesucristo Ñe’ẽ