LECTURAS DEL VIERNES 14 FEBRERO

LECTURAS DEL VIERNES 14 DE FEBRERO

PRIMERA LECTURA:

Ko’ágä   ñahendúta Tupã Ñandejára ñe’ẽ Reyes arandukápe oĩ háicha       

                  11, 29-32; 12, 19

Peteĩ ára Jeroboam osẽ Jerusaléngui ha tape rehe ojotopa maranduhára Ahías, Siló pegua ndive, oñemondéva ahoja pyahúpe.

Ha’e kuéra año oĩ ñúme oñondive, ha Ahías omondoro ijahoja pyahu ha ojapo ichugui  12 pehẽngue, ha he’i Jeroboámpe: “Ereko ne mba’erã 10 Pehẽngue, Tupã Israel Jára he’iukágui ndéve: ‘Aipe’áta Salomóngui upe tetã ha ame’ẽta ndéve 10 ñemoñaregua. Salomónpe ahejáta peteĩ ñemoñareguánte, che rembiguái David ha Jerusalén, pe táva aiporavo va’ekue opa Israel ñemoñaregua apytégui, rehehápe.

Upéicha Israelgua ojetyvyro va’ekue David ñemoñarégui ha ojei ichugui  ko’ágä  ite peve.

Tupã Ñandejára Ñe’ẽ

SALMO ÑEMBOHOVÁI                80, 10-11ab. 12-15

R. Ñahendúke Tupä Ñandejára Ñe’ẽ

Ani pende apytépe pereko ambue tupã, ani pemomba’e tupã mombyrygua:

Che hína Tupã nde Jára roguenohẽ va’ekue Egíptogui. R.

Ejejuru pe’a ha che romohyvatãne. “Che retãgua katu na che renduséi,

Israel ndojaposéi upe ichupe ha’éva. Upévare aheja ichupe kuéra ojapo ojaposéva. R.

Iñakãre oiko hikuái, che rendu nga’u ra’e umi che retãgua, ha Israel oiko che aipota háicha.

Peteĩ tesa pirĩme ahundíne hese kuéra ija’e’ỹvape, ha ajahéine umi hesekuéra oñemoĩvare”. R.

ALELUIA      Cf. Hech. 16, 14b

Aleluia.

Tupä Ñandejára eipe’a ore korasö

romoneï hagua nde Ra’y Ñe’ë.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Marcos omombe’u háicha. Pejapysaka porãtapa hese?                                                       7, 31-37

Upe ramo Jesús osẽ jevy Tiro retãgui ha ohasávo Sidón rupi oguahẽ Galiléa yguasúpe, Decápolis mbytépe.

Upépe ojereraha hendápe peteĩ ohendu’ỹva ha iñe’ẽ pa’ãvape ha ojerure hikuái ichupe omoĩ haguã ipo hese. Jesús ogueraha ichupe peteĩ ha’eñoháme, omoinge ikuã ijapysápe ha omoĩ hendy ikũare. Upéi oma’ẽvo yvágare hi’ãho ha he’i pe kuimba’épe: “Efata” (he’iséva: “Ejepe’a!”)

Upe vove upe ohendu’ỹva apysa ojepe’a, ojera ikũ ha oñe’ẽ porã. Jesús he’i ichupe kuéra ani haguã he’i avavépe. Ha he’ivérõ jepe, ko’ýte omombe’u hikuái. Ohecha ramo etereígui he’i joa: “Opa mba’e ojapo porã: Ohendu’ỹvape omohendu jevy ha iñe’ẽngúvape omoñe’ẽ!”

Ñandejára Jesucristo Ñe’ẽ