LECTURAS: DOMINGO 6º DURANTE EL AÑO

LECTURAS: DOMINGO 6º DURANTE EL AÑO

LECTURA PETEĨHA:

Ko’ágã ñahendúta Tupã Ñandejára ñe’ẽ Levítico arandukápe oĩ háich a          13, 1-2, 45-46

Ñandejára he’i Moisés ha Aarónpe:

Oĩ ramo ipire rurúva, ikurúva térã iparáva, térã ikuru ojogua léprape, to jereraha pa’i Aarón térã peteĩ iñemoñare rendápe.

Iléprava to monde ao sorokue, toiko akãnandi, to jehova aho’i itĩ guive yvývo ha to sapukái he’ívo: “cheky’a, cheky’a”. Ha ilépra aja to jerereko ipotĩ’ỹva ramo. Toiko ha’eño mombyry tekohagui.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI    31, 1-2. 5. 11

Opavave: ¡Ovy’a upe ojeheja reívape hembiapo vaikue!

Ovy’a upe ojeheja reívape iñangaipa ha umívagui oiko tesarái.

Ovy’a upe hova mokõi’ỹva,

Ñandejára oheja reívape hembiapo vaikue. O.

Amombe’u ndéve che pekádo.

Mba’evete namokañýi,  che py’a pýpe arekógui ndéve aikuaaukávo.

Umíva nde reheja rei chéve. O.

Pevy’a Ñandejára rehehápe peẽ pende reko jojáva.

Umi imba’e porã ha imarangatúva to purahéi  vy’a pópe. O.

LECTURA MOKÕIHA:                             

Ñahendúta Tupã Ñandejára Ñe’ẽ San Pablo ohai va’ekue ikuatia peteĩháme Corinto guápe   10, 31-11, 1

Che pehẽnguekuéra:

Peteĩchante pe’u ramo ha pemboy’u ramo, térã pejapo pejapóva, opa pejapóvape pemomba’e guasu Ñandejárape.

Ani pehechauka ivaíva avavépe, judíope ha judio’ỹme, ha upéicha avei umi Ñandejára Iglésia reheguávape. Pejapo che ajapóva, che ajapógui Cristo ojapo va’ekue.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA  Lc 7, 16

Aleluia.

Ohechávo upéva, maymáva okyhyje ha oñepyrũ omomba’e guasu hikuái Ñandejárape. He’i hikuái: Peteĩ proféta mba’e guasúva ou ñande apytépe.

He’i avei hikuái: Ñandejára ou oipytyvõvo hetã guápe.

Aleluia.

EVANGELIO

Marandu porã Ñandejára Jesucrísto  rekove ha hemimbo’e San Marcos omombe’u háicha    1, 40-45

Opavave: Romomba’e guasu ndéve, Ñandejára.            

Upe ramo Peteĩ lepróso oñemboja Jesús rehe ha ñesũháme he’i chupe: Nde reipotárõ che mongueráne che mba’asýgui.

Jesús oiporiahuvereko chupe. Opoko hese ha he’i chupe: Aipota. Ekuera!

Upe vove ojei chugui umi kuru vai, ha okuera. Jesús he’i chupe oho haguã ha he’i jevy chupe: Aníke emombe’u avavépe. Terehónte ejechauka pa’ípe, ha eikuave’ẽ Ñandejárape umi mba’e Moisés he’iva’ekue oñekuave’ẽ va’erãha, ojehecha haguã rekueramaha.

Pe kuimba’e katu oho ha omombe’u opa rupi upe ojehuva’ekue. Upévare Jesús ndaikatu véima oike umi puéblope, umi okahárente opyta. Ha opa guio oime oúva hendápe.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Hesukrísto.