LECTURAS: JUEVES 1° DURANTE EL AÑO

LECTURAS: JUEVES 1° DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Hebreos guápe          3, 7-14

Che pehẽngue kuéra: He’i háicha Espíritu Santo pe Ñandejára ñe’ẽme:

“Ko’ágã  pehendúrõ Tupã Ñandjára he’íva, ani pemohatã pende py’a, umi opu’ã va’ekuéicha, ha oipy’a ra’ã Tupã Ñandejárape yvy ojeiko’ỹháme.

Upépe che py’a ra’ã umi pende ru ypykuerakue, ohecha rire ramo jepe hikuái umi che rembiapokue 40 áño pukukue.

Upévare che pochy hendive kuéra ha ha’e: ‘Ojejavy tapia ipy’ápekuéra ha ndoikuaaséi che rape.’

Upévare pochyhápe ame’ẽ va’ekue che Ñe’ẽ ndoike mo’ãiha hikuái opytu’u haguãme.”

Che pehẽnguekuéra, peñangareko ani haguã pende py’a ñaña, ha pende reko jerovia’ỹgui pejei Tupã Ñandejára  oikovévagui.

Upéva rangue, opa ára peñomokyre’ỹ ani haguã angaipa peñembotavy japu oiporúva rupive. Ñande ñaiméne Cristo ndive, ñane mbaretérõ ipaha peve, ñande jerovia jareko va’ekuépe iñepyrũha guive.

Tupã Ñandejára Ñe’ẽ.

SALMO ÑEMBOHOVÁI      94, 6-11

Opavave: Nga’u ra’e pehendu Tupã Ñandejára Ñe’ẽ

Peju ñañesũ ha ñamomba’e guasu ichupe.

Ñañesũ ñande apohare, Ñandejára renondépe.

Ha’e hína Tupã Ñandejára, ñande katu hetãgua

ha ovecha iñu megua. O.

Nga’u ra’e pehendu he’i ramo:

“Ani pende py’a hatã Meribápe guaréicha,

Masápe pejapo haguéicha, yvy ojeiko’ỹháme,

Upe ramo pende ru kuéra ypykue opu’ã va’ekue che rehe

ohecha ramo jepe umi mba’e ajapo va’ekue . O.

Umívagui ajeguaru 40 áño pukukue,

ha ha’e: ‘Ko’ãva ipy’ápe opía tape porãgui.

Ndojapói upe che ha’éva.’

Pochýpe che rérare ha’e va’ekue:

‘Ko’ãva ndoike mo’ãi upe aporomo mbytu’utahápe’. O.

ALELUIA Cf. Mt 4, 23

Aleluia.

Ñandejára Jesucristo omoerakuä va’ekue Marandu porä Yvága rehegua ha omonguera opaichagua mba’asy ha hasývape.

Aleluia.

EVANGELIO

Marandu porã ñahendúta Ñandejára Jesucristo rekove ha hemimbo’e San Marcos omombe’u háicha     1, 40-45

Upe ramo guare peteĩ kuimba’e ikuru vaíva oñemboja Jesús rehe ha ñesũháme he’i ichupe: Nde reipotárõ che mongueráne che mba’asýgui.

Jesús oiporiahuvereko ichupe. Opoko hese ha he’i ichupe: Aipota. Ekuera!

Upe vove ojei ichugui  ikuru vai, ha okuera. Jesús omondo pya’e ha he’i jevy ichupe: Aníke emombe’u avavépe. Terehónte ejechauka pa’ípe, ha eikuave’ẽ Tupä Ñandejárape umi mba’e Moisés he’i va’ekue oñekuave’ë va’erãha, ojehecha haguã rekueramaha. Pe kuimba’e katu oho ha omombe’u opa rupi upe ojehu va’ekue. Upévare Jesús ndaikatu véima oike umi távape, umi okahárente opytáva. Ha opa guio ojehova hendápe.

Ñandejára Jesucristo Ñe’ẽ.