LECTURAS: JUEVES 3º DURANTE EL AÑO

LECTURAS: JUEVES 3º DURANTE EL AÑO

ÑahendútaTupã Ñandejára Ñe’ẽ San Pablo ohai va’ekue Hebreosguápe       10, 19-25

Che pehẽnguekuéra, ko’ágä ikatu jaike Tupaópe avave ñande joko’ỹre, Jesucristo ruguy rehe ae, jahávo pe tekove rape pyahúre, omondoróvo pe poyvi sãingo Tupao pegua, he’iséva, hete voi. Jareko peteĩ pa’i mba’e guasúva Tupã Ñandejára rógape.

Upévare, ñañemboja va’erã Tupã Ñandejára rehe py’a porã ha jerovia mbaretépe, ipotĩ pyre ñande py’a mba’e vaígui ha ñande rete ojejohéipyre y potĩme. Jaiko mbaretéke, ñane kangy’ỹre, ñeha’arõkuaápe ome’ẽva ñandéve ñande jerovia, Tupã Ñandejára ojapo va’erãgui katuete oñe’ẽme’ẽ va’ekue ñandéve.

Jaheka mba’éichapa ikatu ñañopytyvõ jajoayhuve haguã ha hetave mba’e iporãva jajapo haguã. Ani ndajajúi ñande atyhápe, oĩ háicha ojapóva.

Ñañomo akã raku uvei, ha taupéichave ko’ágã hi’aguĩmava hínaTupä Ñandejára ára.

Tupã Ñandejára Ñe’ẽ.

SALMO ÑEMBOHOVÁI     23, 1-6

R.Ovy’a va’erã umi Tupä Ñandejárare ojeroviáva

Ko yvy niko Tupä Ñandejára mba’e, opa mba’e ipype oĩva, ha opa mba’e ipype oikóva,

Ha’e upe yvy omopyenda va’ekue, y guasu ha ysyry ári omboguapy. R.

Mávapa ojupíneTupä Ñandejára yvytýpe?

Mávapa opytáne itupao marangatúpe?

umi ipo ha ipy’aipotĩva ha ojeíva opa mba’evaígui,

umi ta’ãnga omomba’e’ỹva, Tupã réra oiporurei rei’ĩva. R.

Umíva pe ohovasa Tupã Ñandejára, ha oguenohẽ ichupekuéra jejopy vaígui.

Upéicha ko umi Tupä Ñandejárare ojeroviáva, umi Jacob Tupã rendá pe oguahẽva. R.

ALELUIA Sal  118, 105

Aleluia.

Ne ñe’ë mba’e rendy hína che raperäme ha ohesapéva che rape.

Aleluia.

EVANGELIO

Ko’ágä ñahendúta Ñandejára Jesucristo rekove ha hemimbo’e San Marcos omombe’u háicha 4, 21-25

Upe ramo Jesús he’i upe aty guasúpe: “Ojeguerunga’u piko peteĩ mba’e rendy oñemoĩ haguã mbayru guýpe térã tupa guýpe? Nahániri, pete ĩmba’e rendy oñemoĩ yvate oporohesape haguã. Upéicha avei ndaipóri okañýva ojehecha’ỹ va’erã ha oñemíva ojekuaa’ÿ va’erã. Ijapysáva tohendu.”

He’i avei ichupekuéra: “Pehendúke ko ha’éva: Peẽ pejapo háicha pende rapicháre, Tupã Ñandejára ojapóta pende rehe ha ombojo’avéne. Upe oguerekóva pe oñeme’ẽvéta, pe oguereko’ỹvagui katu upe michĩmi oguerekóva jepe oipe’áta.”

Ñandejára Jesucristo Ñe’ẽ