LECTURAS: JUEVES 5º DURANTE EL AÑO

LECTURAS: JUEVES 5º DURANTE EL AÑO

Ko’ágä   ñahendúta Tupã Ñandejára ñe’ẽ Génesis arandukápe oĩ háicha                                             

    2, 18-25

Tupã Ñandejára he’i: “Kuimba’e naiporãi oiko ha’eño. Ajapóta ichupe iñirũrã, peteĩ oipytyvõ va’erã ichupe.”

Upérõ Tupã Ñandejára ojapo ñai’ũgui opaichagua tymba ha guyra, ha ogueraha kuimba’e rendápe ha’e ombohéra haguã. Ha opa ite tymba opyta héra, ombohéra haguéicha kuimba’e.

Kuimba’e ombohéra mymba, guyra ha tymba saite ha ijapytépe kuéra ndojuhúi oipytyvõva ichupe ha’e oikotevẽ háicha.

Upe marõ Tupã Ñandejára omonge hatã kuimba’épe. Ha oke aja, oipe’a ichugui  peteĩ kãngue ijyke pegua ha upéi omboty jevy upe ikãngue rendague. Upe ikãnguégui ojapo peteĩ kuña, ha ogueraha kuimba’épe. Ha ha’e ohechávo he’i: “Kóva katu che kãngue ha che ro’ógui osẽva, hérata ‘kuña’ osẽre kuimba’égui.”

Upévare kuimba’e oheja itúva ha isýpe, ojoaju hembireko ndive, ha oiko mokõivégui peteĩ tekovénte. Mokõivéva oiko opívo ha notĩri ojuehegui.

Tupã Ñandejára Ñe’ẽ

SALMO ÑEMBOHOVÁI          127, 1-5

R. Revy’a va’erã Tupä Ñandejára rehe rejerovia ramo.

Revy’a va’erã Tupä Ñandejára rehe rejerovia ramo, ha reiko ramo ha’e oipota háicha.

Nde ry’ái repykuégui rekarúne, revy’áne, ha opa mba’épe resẽ porãne. R.

Nde róga pýpe ne rembireko ojoguáta

ku parral hi’a hetávape; ne mesa jerére katu nde ra’y ha nde rajykuéra

ojoguáta umi yvyra roky pyahúpe. R.

Kóicha ojehovasáta upe Ñandejára rehe ojeroviáva.

Tupä Ñandejára ta nde rovasa Sión guive reikove aja pukukue ko yvy ape ári.

Reikovéta rehecha haguã mba’éichapa Jerusalén opu’ã. R.

ALELUIA         St 1, 21bc

Aleluia.

Pejapyhy py’a poräme pe Ñe’ë oñeñotÿva pende pype orekóva pu’aka pene pysyrö haguä.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Marcos omombe’u háicha.                                                            7, 24-30

Upe ramo Jesús oho Tiro retã gotyo. Oike peteĩ ógape, oipota’ỹre avave oikuaa, ha ndaikatúi okañy. Pya’e oikuaa ichugui  peteĩ mitãkuña mba’epochy oguerekóva sy, upéva oho oñesũ Jesús renondépe. Upe kuña, Sirofeniciagua, ndaha’éi Israelgua, ha ojerure asy Jesúspe omosẽ haguã mba’epochy imemby kuñágui.

Jesús katu he’i ichupe: Eheja to karu raẽ ta’ýra kuéra. Naiporãi niko mitã jurúgui jaipe’a tembi’u ha ñame’ẽ jaguápe.

Ha’e he’i ichupe: Upéichako nde karai. Opaichagua, jaguánte avei ho’úva umi tembi’u rembyre mitã nguéra oitýva meságui.

Jesús he’i ichupe: Reñe’ẽ haguére péicha, tereho rejepy’apy’ỹre. Pe mba’epochy osẽma ne memby kuñágui. Pe kuña oguahẽvo hógape, ojuhu imemby kuña hupápe: pe mba’epochy osẽ ra’e ichugui .

Ñandejára Jesucristo Ñe’ẽ