LECTURAS: LUNES 2° DURANTE EL AÑO

LECTURAS: LUNES 2° DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Hebreos guápe             5, 1-10

Che pehẽngue kuéra: Oimeraẽva pa’i guasu ojeporavo yvypóra apytégui, ha oñemoĩ omba’apo haguã yvypóra rehehápe Tupã Ñandejára renondépe, omoguahẽ haguã kuave’ẽmby ha mymbajuka yvypóra angaipáre. Ha pe pa’i ikangýgui avei oimeraẽva yvypóraicha, ikatu oiporiahuvereko umi oikuaa’ỹgui iñangaipáva ha heko porã’ỹvape.

Ha upe ha’e ikangýgui voi oikuave’ẽ va’erã mymbajuka iñangaipáre, ha yvypóra kuéra angaipa rehe avei. Avave ndaikatúi oñemoĩvo ha’e voi pa’i guasúrõ. Tupã Ñandejára hína pe ombojeroviáva ichupe upe mba’épe, ojapo haguéicha Aarón rehe. Upéicha avei, Cristo noñemoĩri va’ekue  ha’e voi Pa’i Guasu ramo. Tupã Ñandejára hína pe omoĩ va’ekue ichupe. He’i voi niko ichupe:

“Nde ha’e che ra’y. Che romoñemoña ko árape.”

Ha he’i avei ichupe Ñandejára Ñe’ẽme : “Nde ha’e pa’i opa ára guarã Melquisedec chagua.”

Jesucristo, oĩ aja ko yvy ári, tesay ha heta jerure asýpe oñembo’e va’ekue  Tupã Ñandejárape, ipu’akáva oipe’a haguã ichupe manógui. Ha iñe’ẽ rendúgui Tupã Ñandejára ohendu ichupe. Aipórõ, Cristo, Tupã Ra’y ramo jepe, jehasa asýpe oikuaa mba’épa he’ise Ñe’ẽ rendu. Ha upéicha rupi heko porã añete marõ, oiko ichugui  opa ára guarã pysyrõhára iñe’ẽ rendúva guivépe. Ha Tupã Ñandejára omoĩ ichupe Pa’i Guasu ramo, Melquisedec chagua.

Tupã Ñandejára Ñe’ẽ.

SALMO ÑEMBOHOVÁI     109, 1-4

R. Nde hína pa’i opa árape guarã

Tupä Ñandejára he’i che ruvicha guasúpe:

“Eguapy che akatúa gotyo, ta moĩ ne   pyenda ramo umi nde rayhu’ỹva

epyrü haguä hesekuéra.” R.

Tupä Ñandejára oipysóta ipu’aka Sión guive Tupä Ñandejára ne mombarete.

“Opa nde rayhu’ỹva toĩmba nde po guýpe”. R.

Reikove ypy guive nde mburuvicha hína, ha marangatúgui rejajaipa.

Cheté voi ysapýicha romoheñói va’ekue pe amo ko’ẽjúgui. R.

Tupä Ñandejára ome’ẽ iñe’ẽ héra rehe ha nopyrũi chéne hese:

“Nde hína pa’i Melquisedec chagua opa árape guarã.” R.

ALELUIA Lc 7, 16

Aleluia.

Peteï maranduhára nde tuicháva osë kuri ñande apytégui

ha Tupä Ñandejára ou ohechávo hetäguápe.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Marcos omombe’u háicha. Pejapysaka porãtapa hese?                                                  Mc 2, 18-22

Peteĩ jevy, Juan Bautista remimbo’e kuéra ha fariséo kuéra ohasa jave ára ho’u’ỹre mba’eve, ojeho Jesús rendápe ha oporandu ichupe hikuái: Juan Bautista ha fariséo remimbo’e kuéra niko ohasa jepi ára ho’u’ỹre mba’eve. Mba’ére piko neremimbo’ekuéra nda upéichai?

Jesús he’i ichupe kuéra: Peẽ piko peimo’ã peteĩ omenda ramóva irũ nguéra oñembyasytaha ha’e oĩ aja hendive kuéra imendahápe? Nahániri, ndaikatúi ho’u’ỹvo mba’eve. Agãnte oguahẽne ára ipore’ỹvo ha’e, ha upépe katu ohasáne ho’u’ỹre mba’eve.

Avave niko nombovyvýi ao Pehẽngue  pyahu ao tujáre. Pe ipyahúva oñyñýine ha omondoro jevýne pe itujáva, ha upekuévo omondoro tuichave. Kaguy pyahu niko noñembohyrúi kaguy ryru tujápe. Péicha ojejapórõ umi kaguy ryru osoróne ha oñehundíta pe kaguy ha umi hyru. Upévare, kaguy oñembohyru va’erã vino ryru pyahúpe.

Ñandejára Jesucristo Ñe’ẽ