LECTURAS MIÉRCOLES TRIGÉSIMA SEMANA

LECTURAS MIÉRCOLES TRIGÉSIMA SEMANA

Ñahendúta Tupã Ñandejára Ñe’ẽ San Pablo ohai va’ekue Éfeso guápe 6, 1-9

Peẽ ta’ýra ha tajýrakuéra, pemomba’éke pende ru ha pende sýpe, pejeroviáre Crístore. Upéva niko hekopeguánte voi. Tupã Ñandejára rembiapoukapy tenondegua niko he’i: “Emomba’e nde ru ha nde sýpe”, ha upéva jajapo ramo he’i: “Reikove puku haguã ha revy’a haguã ko yvy ári.”

Ha peẽ túvakuéra, ani pembopochy rei pende ra’ykuérape. Pemongakuaa ha peheko mbo’e uvei Tupã Ñandejára oipota háicha. Peẽ tembiguái, pejapóke he’íva peẽme umi oĩva pende járarõ ko yvy ári.

Pemomba’e ichupe kuéra ha pende py’a ite guive pejapo he’íva peẽme, ku Crístope guarã pejapórõ guáicha. Ani omaña aja pende rehénte pejapo umi mba’e he’íva peẽme, pepyta porã haguã hendivekuéra. Peiko uvei Cristo rembiguáicha ha pejapo umi mba’e Tupã Ñandejára oipotáva. Kyre’ỹmeke pemba’apo, ku Tupã Ñandejárape guarã pemba’apo ramo guáicha, ha ndaha’éi karáikuérape guarã.

Pene mandu’áke Tupã Ñandejára ohupitykataha peteĩ teĩme hembiapo porãngue rekoitépe, taha’e tembiguái térã tembiguai’ỹvape. Ha peẽ tembiguái járakuéra, péicha aveíke peiko pene rembiguái ndive, ha anive pemongyhyje ichupekuéra peinupãtaha. Pene mandu’áke peẽ avei, ha’ekuéraicha, peimeha Tupã Ñandejára yvagapegua po guýpe, ha ichupe guarã peteĩchante opavave.

Tupã Ñandejára Ñe’ẽ.

SALMO ÑEMBOHOVÁI 144, 10-14

Opavave: Ñandejára nopyrũiva iñe’ẽre, ha’e ipy’a porã opa mba’épe.

Opa ne rembiapokue ta ne momba’e guasu, Ñandejára,
opa nde rehe ojeroviáva ta ne momba’e guasu.
Ha’ekuéra to moerakuã tuichaha upe ne retã,
ha’ekuéra toikuaauka nde ne mbareteha. O.

Upéicha ramo maymáva oikuaáne
ne mbareteha, ha upe ne retã tuichaha.
Ne retã niko mba’e opa’ỹva,
ha nde reporo sãmbyhýta opa árape. O.

Tupã Ñandejára nopyrũiva iñe’ẽre, ha’e ipy’a porã opa mba’épe.
Tupã Ñandejára ojoko umi ho’ávape,
ikangývape omopu’ã jevy. O.

ALELUIA Cf. 2Tes 2, 14
Aleluia.
Tupã Ñandejára ñane renói Marandu porã rehe ae, jaguereko haguã Ñandejára Jesucristo Sambyhy.
Aleluia.

EVANGELIO

Marandu porã Ñandejára Jesucristo rekove ha hemimbo’e San Lucas omombe’u háicha 3, 22-30

Upe ramo Jerusalén rapére ohóvo, Jesús oporombo’e umi táva ha tava’i ohasaha rupi. Peteĩ osẽ oporandu ichupe: Che Jára, ndaheta mo’ãi piko umi oñepysyrõtava? Ha’e katu he’i ichupe: Peñeha’ã peike pe okẽ po’i rupi.

Che ha’e peẽme hetataha umi oikeséva, ndaikatu mo’ãi ramo jepe oike. Óga jára opu’ã ha omboty rire okẽ, peẽ, okápe peiméva, pesapukáita pejévo: ‘Karai, eipe’ána oréve pe okẽ.’ Ha’e katu he’íta peẽme: ‘Che ndaikuaái mamoguápa peẽ.’

Upépe peñe pyrũta peje: ‘Rokaru ha romboy’u va’ekue niko ne ndive, ha nde ore mbo’émi ore táva roka rupi.’ Ha’e katu he’ita peẽe: ‘Che ndaikuaái mamoguápa peẽ pe che reja, peẽ tekove ahẽ ha upépe ojahe’o soróta ha hãi mante omopururũa, ojehechávo Abraham, Isaac, Jacob ha opa maranduhára oĩva Tupã Ñandejára oisãmbyhyhápe, ha peẽ peñe mosẽta okápe. Oúta yvypóra yvatevegua, yvy gotyogua, kuarahy resẽogua ha kuarahy reikevogua, oguapy haguã okaru Tupã Ñandejára sãmbyhýpe. Upévo, umi Ko’ágã itapykuéva, itenondéta. Ha umi ko’ágä itenondéva, itapykuéta.

Ñandejára Jesucristo Ñe’ẽ.