LECTURAS MARTES 25º DURANTE EL AÑO

LECTURAS MARTES 25º DURANTE EL AÑO

Ko’ágã ñahendúta Tupã Ñandejára ñe’ẽ Proverbios arandukápe oĩ háicha      21, 1-6. 10-13

Mburuvicha guasu py’apy, ysyrýicha Tupä Ñandejára pópe, oisãmbyhýva oipotahápe:

Yvypóra oimo’ã umi hape, iporã ha naikarẽiha, Tupä Ñandejára katu oikuaa ipy’apy.

Teko joja ha heko pegua, Tupä Ñandejárape guarã iporãve mymba jukágui.

Tesa ñarõ, py’a jererovu, ha teko aña, umíva mba’e vai.

Ikatupyrýva rembiapo, mba’e porã memete, ha umi vai vaínte omba’apóva opa mboriahúpe.

Mba’e reta ojehupytýva japúpe, pya’e opa rei ha ñande reraha manóme.

Heko añáva ivaívante voi ojapose, ndoiporiahuverekói hapichápe.

Heko mirĩva iñaranduve, ohechárõ hova atãva oñenupãha, iñarandúva katu oikuaa kuaave ojeheko mbo’e rupi.

Tupã, upe hekojojáva, oma’ẽ heko añáva rógare, ha hembiapo vaívape ohundi.

Umi ijapysa ombotýva ikangýva rembijerurépe, ichupe noñehendúi chéne oikotevẽ jave.

Tupã Ñandejára Ñe’ẽ.

SALMO ÑEMBOHOVÁI      118, 1. 27. 30. 34-35. 44

Opavave: Che mboguata ne rembiapoukapy rapére

Ovy’a umi imarangatúva, ha oikóva Ñandejára rembiapoukapy he’i háicha.

Che moarandu ne rembiapoukapýpe

amomba’e haguã umi mba’e hechapyrãva rejapo va’ekue . O.

Che py’ápe añandu hatã che jopýva aikuaase mantégui umi ne ñe’ẽ.

Che mbo’e umi ne rembiapoukapy,

che py’a ite guive ajapo haguã upe he’i háicha. O.

Che mboguata ne rembiapoukapy rapére, upéva chéve che mbovy’a.

Ne rembiapoukapy he’i háicha ite ajapóta, opa árape upéicha ajapóne. O.

ALELUIA Lc 11, 28

Aleluia.

Ovy’a ite umi ohendúva ha ojapóva Tupä Ñandejára Ñe’ë.

Aleluia.

EVANGELIO

Marandu porã Ñandejára Jesucristo rekove ha hemimbo’e San Lucas omombe’u háicha 8, 19-21

Upe ramo Jesús sy ha ityvýrakuéra oho pe ha’e oĩháme, ha ndaikatúi oñemboja hese, heta itereígui umi oĩva upépe. Ha he’i hikuái Jesúspe: Nde sy ha nde ryvykuéra na’ápe okápe hína, ha nde rechase.

Jesús katu he’i: Umi ohendu ha ojapóva Tupã Ñandejára marandu porã, umíva hína che sy ha che ryvy.

Ñandejára Jesucristo Ñe’ẽ