Ñahendu Hesu. Lunes 9º Tiempo Durante el Año

Escucha el evangelio y la reflexión en: https://youtu.be/p6XM5Lb60lA

Lunes 9º Durante el Año Marcos 12, 1 – 12.

Upérõ Jesús omombe’u kóva ko káso: Peteĩ karai ndaje oñotỹ raka’e peteĩ parralty ikokuépe. Omongorapy ha ojapo peteĩ piléta víno ojejapo hag̃uáme. Omopu’ã ave peteĩ sovrádo upégui oĩ hag̃ua omañáva ha oñangarekóva ikokuére. Upéi katu, o’alkila ha osẽ
oho mombyry.

Og̃uahẽvo parral ñemono’õha ára katu, omondo hembiguái peteĩme umi o’alkila va’ekue rendápe ogueraha hag̃ua chupe ohupytýva. Umi o’alkila vaekue katu ojeity hi’ári ha heta ombyepoti rire, omondo chupe po nandi.

Upémarõ pe kokue jára omondo ambue hembiguáipe. Pévape katu oñakã jokapa hikuái, ha heta oja’o. Pe karai katu omondo jey voi ambuépe. Péva katu ojuka hikuái. Upémarõ hetave omondo, ha umíva apytépe oĩ oñembyepotíva ha oĩ ojejukáva hamba’e.

Pe karaípe hemby ita’ýra peteĩ, ha’e ohayhúva. Ipahápe omondo upévape. He’i ha’e ipy’apýpe, “Che ra’ýpe niko orrespeta vaerã ág̃a hikuái.” Umi kokuépe oĩva katu he’i, “Kóva yvy járata hína ág̃a túva omano vove. Jajukárõ, ñandéve opytáta ko yvy”. Ha ojeity hi’ári hikuái ha ojuka. Hetekue katu oguenohẽ omombo hikuái okápe.

Jesús oporandu opavavépe:— Mba’épa peẽ peje ojapóne hag̃ua pe yvy jára. Che amombe’úta peẽme. Ha’ete voi ohóne ojukapa chupe kuéra, ha o’alkila ikokue ambuépe. Peẽ niko peikuaa Ñandejára Ñe’ẽme he’iha: “Upe ita omboyke vaekue umi tupao omopu’ãva upéva ári ko’ág̃a tupao oguapy. Tupã upéicha ojapo ha ore jurujái rohechávo.”

Ha o’apresase mo’ã hikuái Jesúspe oikuaágui péva pe káso he’i hague hesekuéra. Okyhyjepánte hikuái opavavégui. Upémarõ osẽ oho hikuái ha oheja Jesúspe.

Ñandejára Jesucristo ñe’ẽ

ÑAMBOGUEJY ÑANDE REKOVÉPE

Opavave ñandéva niko jareko ñande rekove, ñande rete, ñande katupyry, ñane arandu. Ha oime heta mba’e Ñandejára ome’ẽva ñandéve: kuarahy, yvytu, y, ko yvy tuichakue, ñande rekoha. Heta mba’e oñeme’ẽ ñandéve, ndaha’éi ñande jajapóva.

Ñandejára imba’e porãguinte ome’ẽ ñandéve. Oime ramo jepe umi mba’e jahupytýva ñane rembiapokue rupive, hetave mba’e oime Ñandejára imba’e porãgui ome’ẽva. Ha Jesús he’i Ñandejára ome’ẽvo ñandéve umi mba’e porã oha’arõha avei ñande hegui ñande deprovecho haguã ichupe ha ñande rapicha kuérape. Ndaha’éi ome’ẽva ñañongatu haguã ñande jupe guarã añónte, ñambyatypa haguã ñande vosápente ha nañamboja’ói avave ndive.

Pa’i Alberto Luna.