SÁBADO SEGUNDO DE PASCUA

SÁBADO SEGUNDO DE PASCUA

Primera lectura:

Ko’ágã  ñahendúta Tupã Ñandejára ñe’ẽ Apóstolkuéra rembiapokuépe oĩ háicha  6, 1-7

Umíva umi árape heta etereíma umi ogueroviáva. Umi Grecia ñe’ẽmegua hetave ohóvo ha oñepyrũ oñe’ẽnsuguy umi hebréo ñe’ẽmeguáre, he’ívo noñe ñangarekoiha hekópe kuña imenave’ỹva hesegua kuéravare, oñeme’ẽ jave ichupekuéra hembi’urã. Umi 12 apóstol omboatypa ogueroviávape, ha he’i ichupekuéra: Naiporãi ore roheja Ñandejára ñe’ẽ moerakuã, roñangareko haguã umi okaru va’erãre.

Upévare, ore pehẽngue, peiporavo pende apytégui 7 kuimba’e ikatupyrýva ha henyhẽva Espíritu Sántogui, roheja haguã ipope kuéra ko’ã tembiapo. Ore katu to roñembo’e ha to romoherakuã meme Ñandejára Ñe’ẽ.

Opavavépe iporã upéva, ha oiporavo hikuái Esteban, kuimba’e henyhẽva jeroviágui ha Espíritu Sántogui, avei Felipe, Prócoro, Nicanor, Timón, Pármenas, ha Nicolás, Antioquiagua ojeroviáva Tupãre judío kuéraicha. Umívape ogueru hikuái apóstolkuéra rendápe, ha ha’e kuéra oñembo’e ha omoĩ ipo hesekuéra.

Ñandejára Ñe’ẽ iñasãive ohóvo ha umi ogueroviáva oñemboheta Jerusalénpe. Pa’ikuérava jepe oĩ ogueroviáva.

Tupã Ñandejára Ñe’ẽ.

SALMO ÑEMBOHOVÁI      32, 1-2. 4-5. 18-19

Opavave: Mayma imarangatúva to momba’e Tupä Ñandejárape.

O bien:

Aleluia.

Mayma imarangatúva tomomba’e Tupã Ñandejárape.

Omomba’e guasu va’erã voínte ichupe, opa imarangatúva.

Pemomba’e guasu Tupã Ñandejárape mbaraka púpe,

árpa púpe, pepurahéi ichupe. O.

Upe Tupä Ñandejára he’íva niko añete,

ha opa mba’e ojapo teko jeroviápe.

Ha’e ohecha ramo teko joja ha opa mba’e hendápe ojejapóva.

Yvy niko henyhẽ chovi imborayhúgui. O.

Ñandejára katu oñangareko umi ichupe omomba’évape ha imborayhu rehe ojeroviávape.

Umívape ha’e ndohejái omano.

Omoingove katu ichupekuéra ñembyahýi guasu ou jave. O.

ALELUIA Mt. 4, 4b

Aleluia.

Cristo oikove jevy, opa mba’e apohare

ha oiporiahuvereko maymave hese ojeroviávape.

Aleluia.

EVANGELIO

Ñahendúta Ñandejára Jesucristo rekove ha hemimbo’e San Juan omombe’u háicha   6, 16-21

Upe ramo gaure ka’aru pytũvoma, Jesús remimbo’ekuéra oguejy y rembe’ýpe, ojupi hikuái peteĩ kanóape ohasa haguã yguasu Galilea, oguahẽ haguã Cafarnaúmpe. Pytũmbáma katu, ha Jesús ne’ĩra gueteri oguahẽ hendapekuéra. Ha ho’a sapy’a peteĩ yvytu neratãva, ha upe y oñepyrũ ipochy. Oho rire amo 5 kilómetro rupi, ohecha sapy’a hikuái Jesúspe oguatáva oúvo pe y ape ári hendapekuéra. Ha tuicha eterei oñemondýi hikuái. Ha’e katu he’i ichupe kuéra: Chénteko hína. Ani pekyhyje.

Vy’apópe oheja ichupe ojupi pe kanóape, ha upéi sapy’a itépe oguahẽ hikuái ohohápe.

Ñandejára Jesucristo Ñe’ẽ.