VIERNES SEMANA XXXII TO

Ñahendúta Tupã Ñandejára Ñe’ẽ Moköiha Kuatiañe’ë San Juan ohai va’ekue                                              

4, 9

Tuicha ite che mbovy’a va’ekue  aikuaa ramo guare umi pende reheguáva oikoha añete guápe, Tupã Ñandejára rembiapoukapy ohechauka háicha jaiko va’erãha. Ko’ágã, che pehẽngue kuéra, ajerure peẽme jajoayhu haguã.

Ko tembiapoukapy ahaíva peẽme ndaipyahúiri, upe perekóma va’ekuénte voi iñepyrũha guive. Ko tembiapoukapy ahaíva peẽme niko ndaha’éi ipyahúva, upéva hína pe oñemoguahẽ va’ekue  ñandéve iñepyrũha guive.

Joayhu niko he’ise jaikove ohechauka háicha Tupã Ñandejára rembiapoukapy, ha upéva, pehendúma haguéicha iñepyrũha guive, he’ise peiko va’erãha joayhúpe.

Cháke oiko ko yvy jerére
heta oporombotavýva, oikuaase’ỹva Jesucristo ou hague
peteĩ yvypóra teérõ. Upe
upéichava hína pe porombotavyhára ha pe Crístore opu’ãva. Peñe ñangarekóke, ani
opa rei pene rembiapokue, ojehepyme’ẽhaguã katu peẽme heko itépe.

Umi ohóva amo gotyove ha
osẽva pe Cristo ombo’évagui,
ndoguerekói hendive Tupã Ñandejárape. Ha umi opytáva pe Cristo ombo’évape,
umívape oĩ Tupã, ha oĩ avei Ta’ýra.

Tupã Ñandejára Ñe’ẽ.

SALMO ÑEMBOHOVÁI   118, 1-2. 10-11. 17-18

R. Ovy’a umi Tupä Ñandejára rembiapoukapy he’i háicha.

Ovy’a umi imarangatúva, ha oikóva Tupä Ñandejára rembiapoukapy he’i háicha.

Ovy’a umi hembipota ojapóva ha ipy’a ite guive ichupe omomba’éva. R.

Che ãho nde rehe, ani rehejátei añemomombyry ne rembiapoukapýgui.

Che py’a pýpe ne ñe’ẽ añongatu ani haguã ajapo ivaíva ne renondépe. R.

Nde py’a porãkena che ndive aikove haguã, ha ne ñe’ẽ ajapo haguã.

Che resape’a ikatu haguã ahecha iporã iteha umi ne rembiapoukapy. R.

ALELUIA Lc 21, 28

Aleluia.

Pende py’a gusúke ha pemopu’ã pene akã,

pya’etéma
peñepysyrõtagui.

Aleluia.

EVANGELIO

Ko’ágä  
ñahendúta Ñandejára Jesucristo rekove ha hemimbo’e San Lucas omombe’u
háicha. Pejapysaka porãtapa hese?                                                    17, 26-37

Upe ramo Jesús he’i hemimbo’ekuérape:

Ojehu
haguéicha Noé oikoveha árape, upéicha ojehu va’erã avei che, yvypóraicha aju
va’ekue, aju jevyha ára. Upérõ opavave oiko okaru, omboy’u ha ñemendápe, Noé
oike peve pe kanóa guasúpe. Ha upéi ou pe ama guasu, ha maymáva omano. Upéicha
avei ojehu Lot oikove hague árape. Opavave okaru ha omboy’u, ojogua ha oñemu,
oñemitỹ ha ojogapo. Ha Lot osẽvo Sodómagui, tata ha
asúfre oky yvatégui, ha opavave omano.

Péichata
avei pe ára che, yvypóraicha aju va’ekue, ajechauka vove. “Upe ára upévape, pe
oĩva hóga ári upe jave, ha oguereko opa mba’e kotýpe,
aníke oguejy oguenohẽvo. Ha pe oĩva ñúme, aníke ojevy hógape. Pene mandu’áke Lot
rembirekóre. Pe hekovére hakate’ỹva, omanóta. Ha umi omanóva katu, ojuhúta jeikovete.

Ha’e peẽme, upe pyharépe, mokõi oĩvagui tupápe peteĩ ojereraháta ha pe ambue ojehejáta.
Mokõi kuña
oñembisóta hína, peteĩ ojereraháta ha pe ambue katu ojehejáta.”

Aipórõ
oporandu ichupe hikuái: Moõ piko upéva oikóta, ore Jára?

Ha ha’e
he’i ichupe kuéra: Te’õngue oĩháme, ijaty yryvu.

Ñandejára Jesucristo Ñe’ẽ.