LECTURAS VIERNES XVII DEL TIEMPO ORDINARIO

LECTURAS VIERNES XVII DEL TIEMPO ORDINARIO

LECTURA PETEÎHA:

Ko’ágã ñahendúta Tupã Ñandejára ñe’ẽ Levítico arandukápe oĩ háicha 23, 1. 4-11. 15-16. 27. 34b-37

Tupã he’i Moiséspe: Árakuéra oñemboarete va’erã Ñandejára rérape, ko’ãva hína: Ára 14 ramo upe mes peteĩháme, kuarahy oike vove to ñemboarete Páskua.

Ára 15 mes hérava Nisán to ñembyarete mbuja oñembovu’ỹva. Ha 7 ára pukukue to je’u mbuja oñembovu’ỹva. Umi 7 áragui pe peteĩháme pejapo aty marangatu ha ani pejapo tembiapo pohýi. Pehapy mba’e kuave’ẽ Tupã Ñandejárape 7 ára pukukue, ára 7hápe pejapo aty marangatu ha ani avave omba’apo.

Tupã Ñandejára he’i Moiséspe: Kóicha ere Israel guápe: Peike rire pe yvýpe ame’ẽtava peẽme ha pemono’õ pende trígo, peraha pa’ípe pende trígo apesã tenondere. Pe ára pytu’uha ára rire guápe pa’i to mbokacha pe mba’e kuave’ẽ Tupã Ñandejára renondépe ojererohory haguã.

Pe ára pytu’uha ára riregua, peikuave’ẽ hague pende trígo apesã tenondere, upe guive peipapa 7 semána, ha péicha, pe pytu’uha ára oúva peve, ojepapáta 50 ára.

Upe ramo peraha Tupä Ñandejárape mba’e kuave’ẽ ramo pende trígo pyahu, ára 10pe, mes 7hápe, angaipa jeheja reiha ára hína. Pejapo aty marangatu, ani pe’u mba’eve ha pejapo mba’e kuave’ẽ jehapy Tupã Ñandejárape.

Ára 15 mes 7hápe, hérava Tisri guive, 7 ára pukukue pemboarete che rérape, Enramáda guýpe jeiko. Pe ára peteĩháme pejapo aty marangatu ha ani pejapo tembiapo pohýi.

Umi 7 ára pukukue, opa árape pejapo peteĩ mba’e kuave’ẽ jehapy Tupä Ñandejárape. Ára 8 haguépe pejapo jevýne aty marangatu ha mba’e kuave’ẽ jehapy Tupä Ñandejárape. Aretehína ha ani pejapo tembiapo pohýi.

Ko’ãva hína aretekuéra pejapohápe aty marangatu Tupã Ñandejárape peikuave’ẽvo ichupe mba’e kuave’ẽ hi’upyrã, mba’e kuave’ẽ jehapyrã, trígo kuave’ẽ, mymbajuka, vino jehekuavo, ojejerure háicha.

Tupã Ñandejára Ñe’ẽ.

SALMO ÑEMBOHOVÁI 80, 3-6b. 10-11b

Opavave: Pepurahéi Tupã Ñandejárape mba’epu rorýpe.

Pepurahéi mba’epu pararã rorýpe,
mbaraka ha arpapu to ñehendu.
Turu to ñembopu jasy ra’ýpe, ha jasy renyhẽme avei
upe ñande arete guasu árape. O.

Kóva hína tembiapoukapy Israélpe guarã,
Tupã Ñandejára ome’ẽ va’ekue Jacóbpe.
Upéicha ha’e he’i va’ekue Josépe
osẽ ramo guare Egíptogui. O.

Ahendu oñe’ẽva ha ndaikuaái mávapa. He’i:

Ani pende apytépe pereko ambue tupã,
ani pemomba’e tupã mombyrygua.
Che hína Tupã nde Jára roguenohẽ va’ekue Egíptogui. O.

ALELUIA 1Pe 1, 25

Aleluia.
Ñandejára Jesucristo Ñe’ẽ oiko opa ára guarã.
Ko Ñe’ẽ hína oñemombe’úma va’ekue, pe Marandu Porãme.
Aleluia.

EVANGELIO

Marandu porã Ñandejára Jesucristo rekove ha hemimbo’e San Mateo omombe’u háicha 13, 54-58

Upe ramo oguahẽvo Ñandejára upe ha’e oikove ypy haguépe. Upépe oñepyrũ oporombo’e umi judíokuéra tupaópe. Ha opavave ohecha ramoite ichupe, ha he’i: Moõgui piko oikuaa kóva heta ite mba’e? Mba’éicha rupi piko ojapo umi mba’e hechapyrãva?

Ndaha’éi piko kóva ku karpintéro, María memby? Nda ha’éi nga’u piko Santiago, José ha Judas ryvy? Ha heindy kuéra nga’u piko ndoikói ñande apytépe? Moõgui piko oguenohẽ opa ko’ã mba’e?

Ha ndo jeroviái hese hikuái. Jesús katu he’i ichupe kuéra: Opa rupi niko maranduhára kuérape oñembojerovia, hógape ha oikove ypy haguépe katu nahániri. Ha Jesús ndo japói upépe heta mba’e hechapyrãva, ha’e kuéra ndo jeroviáigui hese.

Ñandejára Jesucristo Ñe’ẽ.