2 de enero: Tupãsy Santa María ára

Escucha el evangelio y la reflexión en: https://youtu.be/PhXh-H5nXV4

2 de enero. Feria de Navidad

San Juan 1, 19 – 28

Umi poguasu judío kuéra apytepegua omondo pa’i ha Ñandejára mandamiénto hamba’e
ombo’éva Juan rendápe. Oho porandu chupe mávapa ha’e. Juan he’i porã chupekuéra:
— Che ndaha’éi pe Mesías.
Oporandu jey chupe hikuái: —Mávaiko nde péicharõ. Ndéiko ndaha’éi proféta Elías
mba’e.

Juan he’i: — Nahániri.
He’i chupe upémarõ hikuái: — Nde piko hína ku proféta ou va’erãva.
Juan he’i chupe kuéra: — Nahániri.
He’i chupe hikuái: — Emombe’úpy oréve mávapa nde. Umi ore mbou vaekue niko
oikuaase mávapa nde.

Juan he’i chupekuéra: — Che niko hína ku osapukáiva desiértore ha he’íva:
“Pembosako’i Ñandejárape haperã”, he’i haguéicha yma proféta Isaías.

Umi ou vaekue Juan rendápe oporandu chupe upémarõ: — Ndaha’éirõ nde pe Mesías, ha
ndaha’éirõ proféta Elías térã ku ou vaerãva, piko mba’eichakue reporomongarai reikóvo.

Ha Juan he’i chupekuéra: — Che niko ýpente amongarai génte kuérape. Pende apytépe
katu oĩ hína peteĩ peẽ peikuaa’ỹva, oútava che rire. Chéve nda’ijáiva ajora chupe isapatu
sãnte jepe.

Opa ko’ã mba’e ojehu, Betánia puéblope, opytáva rrío Jordán ári, kuarahy resẽ gotyo.

Ñandejára Hesukrísto ñe’ẽ.

ÑAMBOGUEJY ÑANDE REKOVÉPE…

Pe Ñandejára kokuépe niko hetaichagua ñaime ñamba’apóva, oime pa’i, hermana, obispo, catequista, animador, celebrador. Oime avei ñembo’e’ýva, opaichagua tupao guáva.

Ha oime avei heta ndaha’éiva católico, ambue iglesia guáva, omba’apóva Ñandejára rérape.
Oikose niko sapy’ánte umi omyakãva, térã katu ymavéma omba’apóva ou oñembojára upe tembiapóre, capilla, parroquia, grupo-re ha mba’e, ha ndohejái oike hapicha ipyahúva omoirũ térã omyengovia haguã ichupe tembiapópe.

Upéva sapy’ante ou omboka’apa umi oipytyvõsévape ha ombyatyve rangue omosarambi ñande rapichápe.

Jahecha Juan Bautista oúvo oñemoñe’ẽ Ñandejára rérape, oúma hi’ári umi Jerusalén tupao guáva, pa’i guasu rérape oporandu mba’éicha rupípa ha’e oñemoñe’ẽ ha máva rérape ou oporomongarai. Ojokoséma katu ichupe hikuái ndaha’éigui heseguáva.

Juan Bautista ndaha’éi ramo jepe pa’i niko ou Ñandejára rérape omombe’u outaha Hesu. Iñe’ẽ rupive ombohape ha oipytyvõ hetápe ombohape haguã Hesu jeju.

Upéicha ko ojehu sapy’ánte, che reindy ha nde che irũ, oĩha ñande rapicha ndaha’éiramo jepe pa’i, hermana, tẽra karai iñarandúva, tuicha ñanepytyvõva jaikuaa porãve haguã Ñandejára rape ha jaguata haguã ñande ave upérupi.

Pa’i Jasy.