LECTURAS ASUNCIÓN DE LA VIRGEN MARÍA

LECTURAS ASUNCIÓN DE LA VIRGEN MARÍA

LECTURA PETEÎHA:

LA ASUNCIÓN DE LA VIRGEN MARÍA

Solemnidad

MISA DEL DÍA

Una mujer revestida de sol, con luna bajo sus pies

Ko’ágã ñahendúta Tupã Ñandejára ñe’ẽ Apocalipsis arandukápe oĩ háicha   11, 19a; 12, 1-6a. 10ab

Ha upévo ojepe’a Tupä Tupao oĩva yvágape, ha upe Tupaópe ojehecha karameguã iñe’ẽ me’ẽ rehegua.

Ha ojekuaa pe ára rehe ambue mba’e rechaukaha: peteï kuña oñemondéva kuarahýpe ijaópe ramo guáicha, jasy ipyguýpe ha peteï jeguaka akã rehegua 12 mbyja guigua iñakã rehe. Upe kuña hye guasu, ha osapukái hasyetégui imemby rupi, haguã.

Upéi ojekuaa pe ára rehe ambue mba’e rechaukaha: peteï teju jagua pytã, iñakãva 7, hatĩ 10, ha jeguaka akã rehegua peteï teĩ iñakã rehe. Huguáipe ombotyryry mbohapýgui peteï pe mbyja retakuégui, ha omombo yvy ári. Pe teju jagua opyta pe kuña imembýtava renondépe, ho’u haguã pe imemby ou vove. Ha upe kuña imemby kuimba’e, ha upéva oisãmbyhy va’erã opa tetã yvy ári guápe mbaretépe. Ha upe imemby ojepe’a ichugui ha ojereraha Tupä ha iguapyha renondépe; ha upe kuña okañy yvy ojeiko’ỹhápe, Tupã ombosako’i haguépe ichupe hendaguã,

Ha upévo ahendu peteĩ ñe’ẽ hatã oúva yvágagui, he’íva: “Oguahẽma pysyrõha ára, oguahẽ ñane Tupã pu’aka ha iñesãmbyhy,

ha Hemimbou pu’akapa;

Tupä Ñandejára Ñe’ẽ.

SALMO ÑEMBOHOVÁI  44, 10b-12. 15b-16

Opavave: Nde yke rehe oñembo’y Kuña mburuvicha guasu.

Mburuvichakuéra rajy nde jere rehe rereko.

Ha upe nde rembojeroviavéva, nde yke rehe oñembo’y,

óro porãme ojeguapa. O.

Che rajy, ehendu ko’ã mba’e ha’éva ndéve.

Ne retãgua, nde ru ha nde sýgui eñembyesarái.

Mburuvicha guasu iñakã raku ramo nde rehe,

ejapo he’íva ndéve. Ha’e nde jára hína. O.

Kuñataĩ nguéra ichupe omoirũva hapykuéri.

Vy’a pópe mburuvicha guasu rógape oñemoinge. O.

LECTURA MOKOÎHA:

Ñahendúta Tupã Ñandejára Ñe’ẽ San Pablo ohai va’ekue ikuatia  peteĩháme Corinto guápe     15, 20-27a

Che pehenguekuéra: Añetehápe katu, Cristo oikove jevy. Ha’e niko koga’a oñemono’õ tenondéva. Pe tenonde oikove jevy va’ekue. Peteï yvypóra rupi ou haguéicha ñemano, ambue rupi ou pe omanóva jeikove jevy.

Adán rupi opavave omano ramo, Cristo rupi opavave oikove jevy va’erã. Peteï teĩ hendaguãme, hembiapokuérakue ojerureháicha: Cristo tenonderã, upéi, Cristo ou jevy vove, umi heseguáva.

Upévo oguahẽta pe ára paha, Cristo ohundipahápe opaichagua pu’aka ha mburuvicha, ha ombohasa ñesãmbyhy Tupã, ñande Ru, pópe. Cristo oisãmbyhy va’erã opa ija’e’ỹva hese oñemoĩmba peve ipyguýpe. Ha pe ipahaite oñehundítava, upéva hína pe ñemano. Tupã omoĩta opa mba’e Cristo pyguýpe, ha oje’e ramo opa mba’e oñemoĩ hague Cristo pyguýpe, nde’iséi Tupã avei oñemoĩha ipoguýpe. Tupä niko hína pe opa mba’e omoĩva Cristo poguýpe.

Tupã Ñandejára Ñe’ẽ.

ALELUIA

Aleluia.

María ojereraha yvágape; ovy’aite umi angelkuéra.

Aleluia.

EVANGELIO

Ko’ágã ñahendúta Ñandejára Jesucrísto rekove ha hemimbo’e San Lucas omombe’u háicha 1, 39-56

Umi árape, María oho pya’ete peteï táva, Judá pegua yvytýpe, ha oike Zacarías rógape ha omomaitei Isabélpe. Ohendúvo pe María maitei, Isabel oñandu omýi pe mitã hyépe, ha Isabel henyhẽ Espíritu Sántogui. Ha upépe, oñe’ẽ hatãvo he’i:

Tupã nde rovasave opa ambue kuñágui, ha ohovasa ne memby! Máva piko che ou haguã che rendápe che Jára sy? Ahendúvo ne maitei, che memby omýi vy’águi che ryépe. Revy’aiténe nde rerovia va’ekue oikotaha opa mba’e Ñandejára he’i va’ekue ñandéve. María he’i:

Che ánga oguerohory Ñandejára ipu’akapávape; che espíritu hory Tupã, che pysyrõhára  ndive Tupã omoĩ hesa che, hembiguaimi rehe,

ha águi rire opa ára añehenóine ovy’áva; pe Ipu’akapáva ojapógui mba’e guasuete che pype. Héra imarangatu!

Tupã oiporiahuvereko opa ára umi ichupe omomba’e guasúvape. Ipokatu oiporu, ohundi umi ojejapóva rembiapo, omongúi iguapyhagui

umi mburuvicha guasúpe, ha ohupi heko mirĩvape.

Omoenyhẽ mba’e porãgui umi iñembyahýivape, ha po nandi omondo umi imba’e retávape. Oipytyvõ hembiguái Israélpe, ha ndahesaráiri

oiporiahuvereko haguã, ha’e oñe’ẽ me’ẽ haguéicha ñande ru kuéra ypykue Abrahamha iñemoñarépe. María opyta Isabel ndive mbohapy mése rupi, ha upéi oho jevy hógape.

Ñandejára Jesucrísto  Ñe’ẽ.