LECTURAS DEL LUNES 13 DE ENERO

LECTURAS DEL LUNES 13 DE ENERO

Primera lectura:

Ko’ágä   ñahendúta Tupã Ñandejára ñe’ẽ Samuel arandukápe oĩ háicha                              1, 1- 8

Peteĩ távape hérava Ramá, oiko va’ekue peteĩ karai zufítáva Efraín yvyty rupigua. Héra va’ekue Elcaná Jeroham ra’y, upéva Elihú ra’y, upéva Tohu ra’y, upéva Zuf ra’y, Efraín ñemoñaregua.

Elcaná hembireko mokõi: peteĩ héra Ana ha pe ambue Peniná. Peniná imemby, Ana katu naimembýi. Opa áño ko karai ohóva itávagui omomba’e guasu ha oikuave’ẽ haguã Tupã Ñandejárape mymbajuka pe távape hérava Siló. Upépe oĩ pa’í ramo mokõive pa’i Elí ra’y, hérava Jofní ha Pinjás.

Oikuave’ëha árape mymbajuka, Elcaná ome’ẽ pe mymbajukágui hembireko Peniná, ita’ýra ha tajýra kuérape, umi so’o akytã imba’erãva. Ánape katu ome’ẽ pe iporãvéva, ohayhúgui ichupe ndaikatúi ramo jepe imemby. Upévare Peniná oñemoĩ Ana rehe, ojahéi ha oñembohory mante hese, ndaikatúigui imemby.

Péicha ojehu jepi umi áño ojoapykuéri. Oguahẽvo pe ára ojeho haguã tupaópe, Peniná ojahéi ha oñembohory hese ha Ana hasẽ ha ndokarúi. Iména Elcaná katu he’i ichupe: “Anína ne rasẽ Ana! Mba’ére piko reñembyasy ha nderekaruséi? Che ko aime ndéve 10 ne memby rekovia!”

Tupã Ñandejára Ñe’ẽ

SALMO ÑEMBOHOVÁI                115, 12-14.17-19

R. Tupä Ñandejára, che niko ne rembiguái!

Mba’éicha piko ikatúta amyengovia Tupä Ñandejárape

ha’e ipy’a porã ite haguére che ndive?

Upe kópa ñane renohẽva vy’a’ỹgui

amopu’ãne ha hérape añembo’éne. R.

Ajapóne umi mba’e ha’e va’ekue Tupä Ñandejárape opa hetãgua renondépe.

Tupä Ñandejára ombyasy ohechávo omano umi hese ojeroviáva. R.

Ajapóne umi mba’e ha’e va’ekue Tupä Ñandejárape opa hetãgua renondépe,

Tupä Ñandejára tupao pepo guýpe, Jerusalén mbytetépe. R.

ALELUIA                       Mc 1, 15

Aleluia.

Ñandejára Jesucristo he’i:

“Tupä Ñandejára Sambyhy hi’aguïma pejevy pene rembiapo vaikuégui ha perovia Marandu porä”.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Marcos omombe’u háicha. Pejapysaka porãtapa hese?                                                       1, 14-20

Upe ramo Juan Bautista oñemoakãsã rire, Jesús oho Galiléape omoerakuã haguã Tupã Ñandejára marandu porã. He’i: “Oguahẽma upe ára oje’e va’ekue, ha Tupã Ñandejára sãmbyhy hi’aguîma. Pejevy Tupã Ñandejára gotyo ha perovia pe marandu porã.”

Jesús ohasa jave ohóvo yguasu Galiléa rembe’y rupi, ohecha Simón ha ityvýra Andréspe. Ha’e kuéra niko pira renohẽha, ha oity hína hikuái pyaha ýpe. Jesús he’i ichupe kuéra: Peju che moirũ, ha che pombo’éta penohẽ haguã pende rapichápe jejopy vaígui.

Upepete voi oheja hikuái umi pyaha, ha oho hendive.

Ha Jesús ohovévo upégui, ohecha Zebedeo ra’y kuérape, Santiago ha ityvýra Juánpe, ikanóape omoatyrõva hína umi ipyaha kuéra kanóape. Upépe voi ohenói ichupe kuéra, ha ha’e kuéra oheja itúva Zebedeo ha ipytyvõha kuéra ikanóape, ha oho Jesús ndive.

Ñandejára Jesucristo Ñe’ẽ.