LECTURAS JUEVES 8º TIEMPO DURANTE EL AÑO

LECTURA PETEÎHA:

Ñahendúta Tupã Ñandejára Ñe’ẽ San Pedro ohai va’ekue       2, 2-5. 9-12

Che pehẽnguekuéra:

Mitã ra’ymícha, peheka kyre’ỹ pe kamby marã’ỹ oúva Tupã Ñandejáragui, upéva rupi pekakuaa ha peñepysyrõ haguã. Peikuaáma niko mba’éichapa Tupã Ñandejára ipy’a porã.

Peñemboja aipórõ Ñandejára Jesucrístore, pe ita oikovéva ojahéi hague yvypóra, ha Tupã Ñandejárape guarãva ita iporavo pyre ha hepýva. Ha péicha, Tupã Ñandejára ojapóta pende hegui, ita oikovéva ramo guáicha, peteĩ tupao espíritu reheguáva, ha pa’i reko marangatu, Jesucristo rupi oikuave’ëva espíritu guiguáva kuave’ëmby, Tupã Ñandejárape ombohorýva.

Peẽ niko ñemoñare ojeporavo pyre, mburuvicha guasúpe guarã pa’i rembiapo, peteĩ tetã imarangatúva, Tupã Ñandejára ojogua va’ekue imba’erã. Ha upéva péicha, pemombe’u haguã mba’e hechapyrãva Tupã Ñandejára rembiapokue, pene renói va’ekue pesẽ haguã pytũhágui ha peike imba’e rendy hechapyrãvape. Peẽ niko yma, ndaha’éi va’ekue Tupã Ñandejára reheguáva, Ko’ágã katu peẽ Tupã rehegua. Yma, Tupã Ñandejára na pende poriahuverekói va’ekue, ko’ágä  pende poriahuvereko.

Che pehẽnguekuéra ahayhúva, ajerure peẽme, hetãme oĩ’ỹ vaicha, pehasánteva pehóvo ko yvy ári, ani pejeko yvypóra rembipotáre, opu’ãva ñande py’áre. Peiko porã umi heko jeroviaha’ỹva apyte rupi.

Upéicharõ ha’ekuéra, oñe’ẽ ramo jepe ko’ágã pende rehe, peẽ mba’e vai apoha ramo guáicha, ohechávo hikuái umi mba’e porãita pejapóva oguerohorýne Tupã Ñandejárape oguahẽvo ára ha’e oporandutaha ichupekuéra hekovekuéra kuére.

Tupã Ñandejára Ñe’ẽ.

SALMO ÑEMBOHOVÁI    99, 1b-5

Opavave: Ñamomba’e guasu Tupã Ñandejárape

Pejapo vy’a pópe ichupe hembipota, pemba’apo Tupã Ñandejárape guarä vy’apópe

peguahẽ hendápe sapukái rorýpe. O.

Peikuaa porãke: Ñandejára hína Tupã.

Ha’e ñande apohare ha ñande imba’e, hetãgua ha ovecha iñu megua. O.

Peike hokẽ nguéra rupi pembo aguijévo ichupe,

ha hóga guýpe purahéi reheve, pemboaguyje  Tupã Ñandejára ha héra perohory. O.

Tupã Ñandejára imba’e porãgui,

imborayhu ndaijapýrai, ha heko jeroviaha opa árape guarã. O.

ALELUIA Jn 8, 12

Aleluia.

Ñandejára Jesucristo he’i: 

“Che hína pe yvy tuichakue hesapeha; pe che moirüva orekóta tesapeha Tekovéva”.

Aleluia.

EVANGELIO

Marandu porã Ñandejára Jesucristo rekove ha hemimbo’e San Marcos omombe’u háicha   10, 46-52

Upe ramo Jesús ha hemimbo’ekuéra oguahẽ Jericópe. Ha Jesús osẽvoma upe távagui, hemimbo’e kuéra ha heta ijaty va’ekue ndive, peteï tupãmba’e jára ohecha’ỹva, hérava Bartimeo, Timeo ra’y, oguapy hína tape ykére. Ha ohendúvo Jesús, Nazaretgua, ohasaha ohóvo, oñepyrũ osapukái:

-Jesús, David ra’y, che poriahuvereko mína!

Heta oĩ oja’óva ichupe okirirĩ haguã, ha’e katu hatãve osapukái: David ra’y, che poriahuvereko mína!

Upévo Jesús opyta ha he’i: Pehenói.

Ohenói hikuái pe ohecha’ỹvape, he’ívo ichupe: Néike, epu’ã. Ne renói niko hína!

Pe ohecha’ỹva omombo ijahoja, opo opu’ã ha oñemboja Jesús rendápe. Ha’e oporandu ichupe: Mba’épa reipota ajapo nde rehe?

Pe ohecha’ỹva he’i ichupe: Mbo’ehára, ahechase.

Jesús he’i ichupe: Ikatúma reho, rejerovia haguére rekuera.

Upepete pe ohecha’ỹ va’ekue ohecha, ha oho Jesús rapykuéri.

Ñandejára Jesucristo Ñe’ẽ.