LECTURAS: LUNES 3º DURANTE EL AÑO

LECTURAS: LUNES 3º DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Hebreosguápe      9, 15. 24-28

Che pehẽnguekuéra:

Upévare, Jesucristo rupi oiko pe ñe’ẽ me’ẽ ipyahúva. Imano reheve niko ha’e ombogue umi angaipa ojejapova’ekue pe ijypykuépe guare ñe’ẽ me’ẽ oime. Ha upévare ae, umi Tupã Ñandejára ohenói va’ekue ohupity umi mba’e opave’ỹva ha’e he’i va’ekue ome’ẽtaha ichupekuéra.

Cristo ndoikéi va’ekue upe Tupa oyvypóra rembiapokuépe, pe yvága pegua joguahántevape. Oike katu yvágaitépe, ko’ágä oĩháme Tupã Ñandejára renondépe oñembo’e ñande rehe. Ha ndoikéi oñekuave’ë haguã ha’ete voi heta jevy, ojapo háicha áño ohasávo jepi pa’i guasu oikéva Tupaópe oikuave’ẽvo tuguy imba’e’ỹva. Upéicha rire avei, Cristo oikotevẽ va’erã mo’ã omano heta jevy oiko ypyguive ko yvy. Cristo katu, ko ára ipaha jave ohóvo, ou peteĩ jevyete ha opa ára guarã, oikuave’ẽvo hekove voi ojeheja rei haguã yvypóra angaipa.

Opavave omano va’erã peteĩete jevy ha upéi oñembojovake va’erã. Upéicha avei Cristo oikuave’ẽ hekove peteĩete jevy oipe’ahaguã heta angaipa. Upéi ha’e ou jevýta, ndaha’evéima angaipa rechávo, oipysyrõ haguã katu umi ichupe oha’arõvape.

Tupã Ñandejára Ñe’ẽ.

SALMO ÑEMBOHOVÁI   97, 1-6

R.Pepurahéi Tupä Ñandejára pe purahéi pyahu,

Pe purahéi Tupä Ñandejára pe purahéi pyahu, mba’e hechapyrãva ojapógui ha’e.

Ipyapy mbarete ha imarangatúgui ipu’aka opa mba’ére. R.

Tupä Ñandejára ohechauka ipokatu, tetãnguéra pe ohechauka heko jojaha, imandu’a imborayhu ha heko jeroviaháre tetã Israel ndive guarã. R.

Yvy jerekuévo ojehecha maymavaite Tupã ipu’akaha opa mba’ére,

Tojere rohory Tupä Ñandejára yvy jerekuévo,

purahéi rory to soro ha tojevy’a. R.

Árpa púpe Tupä Ñandejárape to jepurahéi, mbarakapúpe ichupe to jepurahéi.

Turu ha trompétapúpe tojepurahéi Tupä Ñandejára, ñande ruvicha guasu renondépe. R.

ALELUIA Cf. 2Tim  1, 10b

Aleluia.

Ñandejára Jesucristo ñane Pysyröhára ipu’akamanóre

ha ombojajái tekove, Marandu porä rehe ae.

Aleluia.

EVANGELIO

Marandu porã Ñandejára Jesucristo rekove ha hemimbo’e San Marcos omombe’uháicha  3, 22-30

Upe ramo guare Moisés rembiapoukapy mbo’ehakuéra oguahẽ va’ekue Jerusaléngui he’i avei hese: “Beelzebú, Añanguéra ruvicha voi niko hína pe ohejáva ichupe omosẽ umi mba’e pochykuérape”.

Jesús ohenói ha he’i ichupekuéra ñe’ẽ mbojojápe: “Mba’éicha piko ikatúta Aña voi omosẽ Añáme? Peteĩ tetã oñemboja’opa ramo ha maymáva opu’ã oñoakãre, ndaikatúi upe tetã oiko arévo. Ha peteĩógapeguaopu’ãmba ramo ojuehe oñehundi avei. Péicha avei, Satana voi opu’ãrõ ijehe ndaikatumo’ãi oiko arévo ha oikopáta hese.

Avave ndoikemo’ãi peteĩ kuimba’e imbaretéva rógape omonda haguã ichupe, ndoipokuái ha ndoipykuáiraẽirõ.

Péichaojapo ramo manteikatúneomondaichugui .

Añetehápe ha’e peẽme, Tupã Ñandejára ohejareitaha opavavépe opaichagua angaipa, ha oñe’ẽ vai haguére hese jepe. Espíritu Santo rehe ojahéiva pe katu ndojehejareichéne, opytáne hi’ári opa ára pe guarã.”

Ko’ã mba’e Jesús he’i, ha’ekuéra he’i haguére hese oguerekoha mba’e pochy.

Ñandejára Jesucristo Ñe’ẽ.