MARTES TERCERO DE ADVIENTO

LECTURA PETEÎHA:

Ko’ágã ñahendúta Tupã Ñandejára ñe’ẽ Sofonías arandukápe oĩ háicha 3, 9-13

Péicha he’i Tupã Ñandejára: Upéva oguahẽvo tetã nguéra juru amopotĩta, chéve oñembo’e haguã opavave, ojapo haguã che aipotáva.

Etiopía ysyry guasu mboypýrigui che retãgua isarambipáva oúta oñembo’évo, imba’e kuave’ẽ oguerúta chéve.

Upérõ nde, che retãgua ne retĩ mo’ã véima, ne rembiapo vaikuére, repu’ã haguére che rehe.

Upérõ aipe’áta nde apytégui umi ijejapóva, ha nde rejejapo mo’ãvéi che yvyty marangatúpe. Ahejáta nde pype umi imirĩva ojejapo’ỹvape.

Che rehénte ojeroviáta ha’ekuéra.

Umi Israelgua hembýva ndojapo mo’ãi heko joja’ỹva, ndaijapu mo’ãi. Nomoenyhẽ mo’ãi ijuru ñe’ẽ reígui, ikatúta okaru ha opytu’u kyhyje’ỹre.”

Tupã Ñandejára Ñe’ẽ.

SALMO ÑEMBOHOVÁI 33, 2-3. 6-7. 17-19. 23

Opavave: Tupã Ñandejára ohendu umi ijohéi pyréva ñembo’e

Amomba’e guasúta Tupä Ñandejárape opa ára

Ñandejárape, ichupe aropurahéita tapiaite.

Ñandejára ombovy’a che rekove.

Imboriahúva to hendu ha to vy’a! O.

Umi Tupä  Ñandejára rehe ojeroviáva vy’águi ojajaipáne,

ha hova noñomi chéne ñemotĩgui.

Che, tekove poriahu, Tupä  Ñandejárape añembo’e:

Tupä Ñandejára ohendu umi ijohéi pyréva ñembo’e. O.

Heko vaívagui katu ndoikuaaséi mba’eve,

umíva opa va’erã tesaráipe.

Tupã Ñandejára ohendu umi ijohéi pyréva ñembo’e

ha oguenohẽ ichupe kuéra upe ojejopy vai hágui. O.

Tupä Ñandejára oñemboja umi ohasa asývare

ha oguenohẽ umi ikangypávape jejopy vaígui.

Tupä Ñandejára oguenohẽ jejopy vaígui hembiguáikuérape,

umi ojeroviáva hese mba’eve ivaíva ndojejapói chéne hese. O.

ALELUIA

Aleluia.

Eju Tupã Ñandejára eju, ehejareína ne retãgua angaipa.

Aleluia.

EVANGELIO

Ko’ágã ñahendúta Ñandejára Jesucristo rekove ha hemimbo’e San Mateo omombe’u háicha    21, 28 -32

Upe ramo Jesús oporandu opavavépe: Mba’épa peje ko peẽme amombe’útava rehe. Oĩ va’ekue peteĩ kuimba’e ita’ýra mokõiva. Ha he’i pe ijypykuépe: “Che ra’y, tereho emba’apo ñande parraltýpe.” Pe ita’ýra katu he’i ichupe: “Ndahaséi”. Upéi ombyasy péicha he’i hague, ha oho.

Upéi pe kuimba’e oho ita’ýra pahague rendápe, ha he’i avei ichupe oho haguã omba’apo. He’i katu ha’e itúvape: “Néi, che ru, aháta”, ha ndohói. Mávapa umi mokõi vévagui ojapo itúva rembipota?

Umi upépe oĩva he’i ichupe: Pe ijypykue.

Upépe Jesús he’i ichupe kuéra: Añetehápe ha’e peẽme, umi viru ombyatýva Rómape guarã ha umi kuña reko vai raẽ oikéta pende hegui Tupã Ñandejára sãmbyhy yvágape. Juan Bautista niko ou va’ekue pene mbo’évo mba’éichapa peiko va’erã, ha ndaperoviaséi va’ekue ichupe. Umi viru ombyatýva Rómape guarã ha umi kuña reko vai katu oguerovia ichupe. Peẽ pehecha ramo jepe upéva, napembyasýi pende reko vai ha ndapejeréi ichugui , perovia haguã ichupe.

Ñandejára Jesucristo Ñe’ẽ.