Ñahendu Hesu Ñe’ê. Sábado 7 de septiembre
6 septiembre, 2019Ñahendu Hesu Ñe’ê. Lunes 9 de septiembre
9 septiembre, 2019Ñahendu Hesu Ñe’ê. Domingo 8 de septiembre
Lucas 14, 25 – 33.
Heta umi ohóva oikóvo Jesús ndive mamo ohoha rupi. Upéma ramo he’i chupe kuéra:
Peikosérõ che disípulo ramo, che rayhuve vaerã chéve pende rúgui, pende sýgui, pene rembirekógui, ha opa pene família kuéragui. Ndaikatúi peiko che disípulo ramo pene rakate’ỹ ramo pende rekovére. Na peiméi ramo pehupi haguã pende kurusu ha che moirũ, ndaikatúi peiko che disípulo ramo.
Ja’éntena pemopu’ãseha peteĩ tórre. Mba’e pejapo raẽ. Peguapy pehecha mbovýpa pende rupytýta peikuaa haguã perekópa hepyrã. Peicha’ỹrõ, peñepyrũ kuaa pemopu’ã ha ágã upéi tape ku’a rupi peso. Ha upéi ojepukapa pende rehe. Osẽne he’i hikuái, “Ajépako nde výro. Reñepyrũ ha ndaikatúi ejapopa”.
Ha mba’épa ojapóne peteĩ rréi 10 mil soldádonte oguerekóva ha osẽséva oñorãirõ 20 mil oguerekóva ndive ha oúva hína hi’ári. Ohecha raẽta ikatúnepa ipu’aka pe oguerekóva reheve. Ha ohecha kuaávo ndai’ipu’aka mo’ãiha hapicháre, mombyrymi guive omondóne hendápe hembijokuái oñomongeta anivéma haguã oiko vai. Upévare ha’e peẽme, peikosérõ che disípulo ramo, pehejapa vaerã opa mba’e perekóva.
Ñandejára Hesukrísto ñe’ẽ.
ÑAMBOGUEJY KO ÑANDEJÁRA ÑE’Ẽ ÑANDE REKOVÉPE
Ñande ru ha ñande sy, ñane hermano kuéra, ningo ñane pehengue. Tuicha mba’e hína upe ñande ruguy, ndaha’éi yrei. Ñanemosã ha ñane apytĩ mbaretéva rehegua hína upe ñanereñói ha jakakuaa hague. Ha ñahendu Hesu he’i jahayhuve vaerãha ichupe ñande ru, ñande sy, ñane irũ, ñande socio kuéragui, upéicha mante ikatúta oiko ñande hegui cristiano añete. Ijetu’u eterei vaicha upéva, aje.
Jajeroviávo Hesúre niko jaike peteĩ tekove pyahúpe, Ñandejáragui oúva, ndaha’éiva ñande ruguy rupi jahupytýva. Jaike jey escuela-pe jahupyty haguã Espíritu Santo arandu, ndaha’éiva ko mundo rehegua arandu. Ñañehehekombo’e jey jaguata haguã peteĩ tape iñambuéva pe ñande rape tujágui, ñande sy, ñande ru ha ñande kakuaa irũngue ndive jaikuaa ypy vaekue.
Ñamopu’ãramo guáicha peteĩ óga guasu ipyahúva, ha jaheja upe oga’i tuja jaiko ypy hague. Ñama’ẽnte vaerã -he’i Hesu- jajedesidi porãpa ha ñaimépa añete ñamohu’ã haguãicha ko tembiapo. Ani ágã ñamoñepyrũ ha japyta tapére, jaju jey ñande róga tujápe, ñande guata ymápe, opytapa rei upe ñamoñepyrũ vaekue ha ojepukapa ñande rehe.
Pe ñande rekove yma mundo pegua niko oguerúta hina 20 mil aña rymba kuéra oñemohãimbiti ñane renondépe ñande pe’a haguã Hesu rapégui. Ñane ñónteramo, che irũ ha che reindy, nañandepu’aka mo’ãi hese kuéra. Sarambikue ojapóta ñande rehe. Tekotevẽ jaha jajerure socorro Ñandejára, Tupãsy, ánhel ha santo kuéra oĩ háichape, ikatúva ohenonde’a añanguéra ha ñande pe’a ipoguýgui jasegui porãite haguã Hesu rapére.
Pa’i Jasy.
Ñahendu Hesu Ñe’ê. Domingo 8 de septiembre
Lucas 14, 25 – 33.
Heta umi ohóva oikóvo Jesús ndive mamo ohoha rupi. Upéma ramo he’i chupe kuéra:
Peikosérõ che disípulo ramo, che rayhuve vaerã chéve pende rúgui, pende sýgui, pene rembirekógui, ha opa pene família kuéragui. Ndaikatúi peiko che disípulo ramo pene rakate’ỹ ramo pende rekovére. Na peiméi ramo pehupi haguã pende kurusu ha che moirũ, ndaikatúi peiko che disípulo ramo.
Ja’éntena pemopu’ãseha peteĩ tórre. Mba’e pejapo raẽ. Peguapy pehecha mbovýpa pende rupytýta peikuaa haguã perekópa hepyrã. Peicha’ỹrõ, peñepyrũ kuaa pemopu’ã ha ágã upéi tape ku’a rupi peso. Ha upéi ojepukapa pende rehe. Osẽne he’i hikuái, “Ajépako nde výro. Reñepyrũ ha ndaikatúi ejapopa”.
Ha mba’épa ojapóne peteĩ rréi 10 mil soldádonte oguerekóva ha osẽséva oñorãirõ 20 mil oguerekóva ndive ha oúva hína hi’ári. Ohecha raẽta ikatúnepa ipu’aka pe oguerekóva reheve. Ha ohecha kuaávo ndai’ipu’aka mo’ãiha hapicháre, mombyrymi guive omondóne hendápe hembijokuái oñomongeta anivéma haguã oiko vai. Upévare ha’e peẽme, peikosérõ che disípulo ramo, pehejapa vaerã opa mba’e perekóva.
Ñandejára Hesukrísto ñe’ẽ.
ÑAMBOGUEJY KO ÑANDEJÁRA ÑE’Ẽ ÑANDE REKOVÉPE
Ñande ru ha ñande sy, ñane hermano kuéra, ningo ñane pehengue. Tuicha mba’e hína upe ñande ruguy, ndaha’éi yrei. Ñanemosã ha ñane apytĩ mbaretéva rehegua hína upe ñanereñói ha jakakuaa hague. Ha ñahendu Hesu he’i jahayhuve vaerãha ichupe ñande ru, ñande sy, ñane irũ, ñande socio kuéragui, upéicha mante ikatúta oiko ñande hegui cristiano añete. Ijetu’u eterei vaicha upéva, aje.
Jajeroviávo Hesúre niko jaike peteĩ tekove pyahúpe, Ñandejáragui oúva, ndaha’éiva ñande ruguy rupi jahupytýva. Jaike jey escuela-pe jahupyty haguã Espíritu Santo arandu, ndaha’éiva ko mundo rehegua arandu. Ñañehehekombo’e jey jaguata haguã peteĩ tape iñambuéva pe ñande rape tujágui, ñande sy, ñande ru ha ñande kakuaa irũngue ndive jaikuaa ypy vaekue.
Ñamopu’ãramo guáicha peteĩ óga guasu ipyahúva, ha jaheja upe oga’i tuja jaiko ypy hague. Ñama’ẽnte vaerã -he’i Hesu- jajedesidi porãpa ha ñaimépa añete ñamohu’ã haguãicha ko tembiapo. Ani ágã ñamoñepyrũ ha japyta tapére, jaju jey ñande róga tujápe, ñande guata ymápe, opytapa rei upe ñamoñepyrũ vaekue ha ojepukapa ñande rehe.
Pe ñande rekove yma mundo pegua niko oguerúta hina 20 mil aña rymba kuéra oñemohãimbiti ñane renondépe ñande pe’a haguã Hesu rapégui. Ñane ñónteramo, che irũ ha che reindy, nañandepu’aka mo’ãi hese kuéra. Sarambikue ojapóta ñande rehe. Tekotevẽ jaha jajerure socorro Ñandejára, Tupãsy, ánhel ha santo kuéra oĩ háichape, ikatúva ohenonde’a añanguéra ha ñande pe’a ipoguýgui jasegui porãite haguã Hesu rapére.
Pa’i Jasy.