SOLEMNIDAD DEL SAGRADO CORAZÓN DE JESÚS

SOLEMNIDAD DEL SAGRADO CORAZÓN DE JESÚS

LECTURA PETEÎHA:

Ko’ágã ñahendúta Tupã Ñandejára ñe’ẽ Ezequiel aranduka peteĩháme oĩ háicha    34, 11-16

Che, Tupã, ha’e: Péina ápe aime! Chete aháta aheka ha añangareko che ovechakuéra rehe. Pe ovecha rerekua ojepy’apýva ijovechakuéra rehe isarambipa ramo, péicha ajepy’apy che ovechakuéra rehe; anohẽmbáta umi isarambipahágui ára vai ha yvytu ratãme.

Anohẽta umi tetã ambuégui, amboatýta ha araha ijyvy teépe okaru haguã umi yvyty Israel guápe, umi ysyry rupi, opa ojeikoha rupi upe tetã javeve. Araháta ha’uka ichupekuéra umi kapi’ipe iporãvéva umi yvyty ijyvatevéva Israel peguare.

Upépe opytu’úta hikuái umi kapi’ipe hevéva apytépe. Chete añangarekóta che ovechakuéra rehe. Chete araháta opytu’u haguãme”. Che, Tupã, ha’e upeichataha. “Ahekáta umi ovecha okañy va’ekue, arúta umi hápe avy va’ekuépe, aipohanóta umi hetymapẽvape ha hasývape, aipytyvõta umi ikangyvévape ha ajukapáta umi ikyra ha imbaretetévape. Che añangarekóta hesekuéra teko jojápe”.

Tupä Ñandejára Ñe’ẽ.

SALMO ÑEMBOHOVÁI   22, 1-6

Opavave: Tupã Ñandejára che rerekua, mba’eve naikotevẽi.

Tupä Ñandejára che rerekua, mba’eve naikotevẽi.

Ñu rovyũ asýpe che mombytu’u, y satĩ ypýpe che moguahẽ.

Che mombarete jevy. O.

Tape hekópe guáre che reraha héra rehehápe.

Ahasa ramo jepe ka’aguy ypytũ rupi,

nda kyhyjéi chéne, nde, che Jára, reimégui che ndive.

Nde yvyra jekoha, nde rehe che mbojerovia. O.

Karu guasu chéve rejapo umi che rayhu’ỹva rovake.

Che akã rehe reñohẽ mba’e ryakuã asy,

ha upe hay’uha remoenyhẽ chovi. O.

Ne mborayhu ha ne mba’e recha kuaa,

rehechauka chéve aikove aja pukukue,

ha nde rógape Tupã Ñandejára, aikóne tapiaite. O.

LECTURA MOKOÎHA:

Ñahendúta Tupã Ñandejára Ñe’ẽ San Pablo ohai va’ekue Roma guápe    5, 5b-11

Tupã Ñandejára ñane moenyhẽgui imborayhúpe, pe Espíritu Santo ome’ẽ va’ekue ñandéve rupi.

Ndaikatúi va’ekue ramo ñande voi ñañe pysyrõ, hi’árape, Jesucrísto  omano umi hembiapo vaíva rehe. Hasy hína oĩ haguã ojejukáva ambue rendaguépe, peteï heko jojáva rehehápe ramo jepe.

Ikatu jepe oime ojejukáva, oime ramo tuicha mba’e porã ojapo va’ekue hese. Tupã Ñandejára katu ohechauka ñande rayhuha, Jesucrísto  omanórõ ñande rehe, angaipa apoharõ gueteri hína ñande. Ha ko’ágã, Tupã Ñandejára ñane mboheko joja rire Jesucrísto  mano rupi, ikatu eteve katu ñasẽ ñenupã vai pahagui, ha’e rupi.

Tupã Ñandejára ñane moingo porã jeýrõ hendive, Ta’ýra mano rupi, ñane rembiapo vai ramo gueteri jaikóvo, ikatueteve ñane pysyrõ, ko’ágã jaiko porã jevýmava hendive. Ha nda upéva añoi. Javy’a avei Tupã Ñandejára ndive, Ñandejára Jesucrísto  rupi, hese ae niko ko’ágã jaiko porã jevy hendive.

Tupã Ñandejára Ñe’ẽ.

ALELUIA  Mt 11, 29ab

Aleluia.

Peheja ta moĩ pende ape rehe che mba’e pohýi, ha pejapo che ha’éva peëme. Ha peikuaáta che py’a porãha ha nda jejapoiha.

Aleluia.

O bien:    Jn10, 14

Aleluia.

Che ha’e pe ovecha rerekua imba’e porãva.

che aikuaa háicha che ovechápe, ha’ekuéra che kuaa chéve.

He’i Tupã Ñandejára.

Aleluia.

EVANGELIO

Ko’ágã ñahendúta Ñandejára Jesucrísto rekove ha hemimbo’e San Lucas omombe’u háicha 15, 3-7

Upe ramo Jesús omombe’u ichupe kuéra ko ñe’ẽ mbojoja: “Mávapa pende apytépe, oguereko ramo 100 ovecha ha okañy ichugui peteï, ndo hejái   chéne umi 99 ñúme, ha oho oheka pe okañy va’ekue, ojuhu peve?

Ha ojuhu vove, vy’apópe omoĩ ijati’y ári, ha oguahẽvo hógape omboaty  iñirũnguéra ha hóga ykereguakuérape, ha he’i ichupekuéra: ‘Pevy’áke che ndive, ajuhúma pe ovecha okañy va’ekue che hegui.’ Ha’e peẽme, péicha avei oĩveha vy’a yvágape, peteï angaipa apoha hembiapo vaikuégui oñembyasýva rehe, 99 heko jojávagui, oikotevẽ’ỹva oñembyasýgui” .

Tupã Ñandejára Ñe’ẽ.