DOMINGO 18 DE AGOSTO

LECTURAS DEL DOMINGO 18 DE AGOSTO

PRIMERA LECTURA: 

Ko’ágä ñahendúta Tupä Ñandejára ñe’ẽJeremías arandukápe oĩháicha        (38, 3-6. 8-10)

Upérõ proféta Jeremías he’i opavavépe: 

Tupä Ñandejára he’i: ‘Ko táva ho’áta Babilonia ruvicha guasu soldádo kuéra pópe. Ha’e oñemo mba’éta hese ha ndaipóri ojoko vaerã ichupe.’ 

Upe ramo mburuvicha kuéra he’i Karai rréipe: 

Tekotevẽjajuka pe kuimba’épe, iñe’ẽme niko omopy’amirĩmba hína ñande soldádo kuéra ha táva guápe opytáva gueteri ko puéblope. Ha’e ndohekái iporãva, ivaívante uvei ko táva guápe guarã. 

Rréi Sedequías he’i ichupe kuéra: 

Pejapo hese pejaposéva. Che ndaikatúi añemoĩpende rehe. 

Upéma ramo  ipojái hikuái Jeremías rehe ha oity Malquías pósope, oĩva mburuvicha guasu róga korapýpe. Omosã ichupe hikuái ha omboguejy osãingohápe. Pe póso ndahi’ýi ha henyhẽtujúgui. Jeremías ojasuru pe tuju kuápe. 

Uperamo  Ebed Mélec osẽmburuvicha guasu rógagui ha oho he’i Karai rréipe: 

Che ruvicha guasu, pe ojejapo vaekue Jeremías rehe hína peteï mba’e nde vaipa jepéva. Oity hikuái ichupe pósope ha upépe omanóta ñembyahýigui, ndaiporivéigui távape hi’upyrã. Pya’e Karai rréi he’i Ebed Melécpe to gueraha 30 kuimba’e oguenohẽhaguã Jeremíaspe upe pósogui omano mboyve.

Tupä Ñandejára Ñe’ẽ.

SALMO ÑEMBOHOVÁI (39, 2-4. 18)

R. Ñandejára pya’e eju che rendápe. 

Ñandejára rehénte ajerovia. 

Che rendápe oñemboja ha che rendu. R.

Omanóva oñeñotỹhágui 

ha karugua pypukúgui che renohẽ. 

Ita ári che moñembo’y 

aguata mbarete haguã. R.

Che jurúgui omoheñói purahéi pyahu, 

ha Ñandejárape amomba’e guasu. 

Heta oĩne ohechávo ko’ãmba’e 

ojere ha ojeroviáneÑandejára rehe. R.

Ñandejára, che niko tekove poriahu. 

Ani nde resarái che hegui. 

Nde upe che renohẽva jejopy vaígui. 

Pya’e eju che rendápe. R.

SEGUNDA LECTURA: 

Ñahendúta Tupä Ñandejára ñe’ẽojehai vaekue Hebreos kuérape (12, 1-4)

Che pehengue kuéra, oimégui hína ojerepa ñande rehe heta ñande rapicha ohechaukáma vaekue ojeroviaha, ñamboykéma opa mba’e ñande jokóva ha ñande pekádo ñaneapytïva, ha jaipykúi py’aguasúpe tape jarekóva ñane renonderã. Ñama’ẽna Jesús rehe, ichugui ou ñandéve pe ñande jerovia, ha’e voi omopoñepyrü ha omohu’ä vaekue hekopete. Ha’e oheja raka’e vy’a yvága pegua ogueropu’aka haguä kurusu, otĩ’ỹre upeichaite ou haguä omano. Ha ko’ágãoguapy hína Tupä Ñandejára ykére. 

Aipo ramo, pejesareko Jesús rekovekue rehe, hetaite mba’e vai ohasa vaekue umi tembiapo vai apohagui, ani haguä pene kane’õ ha pende py’a kangy. Peë niko ne’ĩra gueteri peñohë pende ruguy peñorairõhápe hembiapo vaíva ndive. 

Tupä Ñandejára Ñe’ẽ.

ALELUIA

Che ovecha kuéra niko oikuaa che ñe’ẽha ou che rapykuéri, 

ha che aikuaa ichupe kuéra, he’i Tupä Ñandejára

EVANGELIO (Lc.12, 49-53)

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha. 

Pejapysaka porãtapa hese.                                                      

Upérõ Hesu he’i idisípulo kuérape: “Tata amyendy haguã niko aju ko yvy ári. Ha nga’u ra’e hendýma katu hína. Che katu niko añemongarai vaerã ágã upe tatápe, ha upéva oguahẽ aja che angapyhy.Peẽ piko peimo’ã aju hague arúvo py’aguapy ko yvy ári. Ndaupéichai hína. Aju arúvo joavy.Peteĩ ógape oikohápe cinco, mbohapy opu’ãne mokõire.Túva ha ta’ýra opu’ãne ojuehe. Sy ha imemby opu’ãne ojuehe. Ména sy opu’ãne imemby rembirekóre, ha ha’e opu’ãne iména sýre.”

Ñandejára Jesucrísto  Ñe’ẽ.