LECTURAS SÁBADO DECIMOQUINTA SEMANA

LECTURAS SÁBADO DECIMOQUINTA SEMANA

LECTURA PETEÎHA:

Ko’ágã ñahendúta Tupã Ñandejára ñe’ẽ Miqueas arandukápe oĩ háicha        2, 1-5

Cháke, umi hupápe jepe ivaívante oipyaháva, ha ára oguahẽvo ojapóma pe oipotáva, tetã sã ipópe oguerekógui!

Yvy oipotávare mbaretépe oñemomba’e ha óga oipota ramo, omonda.

Óga ha yvy jára ha hogagua ndive ojopy.

Upévare he’i Tupä Ñandejára: “Che areko che akãme ajapótava pende rehe: Amondóta peẽme ivaíva ha upévagui napekañy mo’ãi.

Ndapeiko mo’ã véima akärapu’ãme, ho’a vaítagui peẽme upe  ramo!

Ñe’ẽnga ojeitýta pende rehe ha ojepurahéita peẽme purahéi jahe’o: ‘Roñehundi etéma! Ore retã, ha’e va’ekue  Tupã Ñandejára  retã, ijára pyahúma ko’ágä.

Ore yvýre oñemomba’e ha oñomboja’o mombyrygua.”

Upévare ndaipóri mo’ãi oitýva peẽme po’a pende yvyrãre umi Tupã Ñandejára omomba’éva apytépe.

Tupã Ñandejára Ñe’ẽ.

SALMO ÑEMBOHOVÁI  9, 1-4b. 7-8b. 14

Opavave: Ñandejára, ani kena nde resarái umi imboriahúvagui.

Mba’ére piko Tupä Ñandejára reñemomombyry che hegui?

Mba’ére piko rekañy che hegui ajecha vai jave?

Oñe mbotuicha umi iñañáva,  oiko mante imboriahúva apére.

Ágãnte ho’áne hikuái upe

ñuhãme omoĩ va’ekue  hapichápe. O.

Iñañáva opa rupi oguerosapukái hembipota,

upe imba’e pota potavéva katu

oñembohory ha ojahéi Tupä Ñandejárare.

Iñañáva oñemotĩ pu’ã ha he’i: “Ndaipóri Tupã,

ha ndaipóri he’i va’erã chéve pe ajapo va’erã.” O.

Upévante voi iñakãme oĩ. Ijuru ky’a,

itie’ỹ, iñe’ẽ pohýi ha ijapu.

Oñemoĩ omangea umi okaha rupi,

umi ha’eñóva rehénte hesa oity,

ha ojuka rei hapichápe kañyháme. O.

Nde voi rehecha reína mba’éichapa ohasa asy imboriahúva,

nde pópe ichupe kuéra rereko haguã.

Ne rendápe mante oguahẽ kuaa upe

ndo guerekóiva avavépe,

nde mante ityre’ỹvape reipytyvõ. O.

ALELUIA 2Cor 5, 19

Aleluia.

Tupã Ñandejára oï va’ekue Jesucrístope omoingo porä jevývo yvypórakuérape hendive, ome’ëvo ñandéve pe ñe’ẽ poromoingo porãva.

Aleluia.

EVANGELIO

Ko’ágã ñahendúta Ñandejára Jesucristo rekove ha hemimbo’e San Mateo omombe’u háicha 12, 14-21

Upe ramo umi fariséokuéra oñepyrũ oñomongeta hikuái mba’éichapa ikatúta ojuka Jesúspe.

Jesús oikuaávo ojukaseha ichupe hikuái oho upégui, ha heta umi ohóva hapykuéri. Ha omonguerapa umi hasývape, ha he’i ichupekuéra ani haguã imandu’a hese avave renondépe. Upéicha niko ojehu oiko haguã heko itépe pe Tupã Ñandejára  he’i va’ekue  maranduhára Isaías rupi:

“Kóva hína che rembiguái aiporavo va’ekue , upe che ahayhu ha arohorýva.

Amoĩta che Espíritu hi’ári, ha’e omoerakuãta teko joja opa tetãme.

Noporo mbohovái mo’ãi ha ndo sapukái chéne, ha avave nohendu mo’ãi oñe’ẽrõ pe okáre.

Ha’e ipo imba’e porãta umi ikangýva ndive, ha ipy’a porãta umi oikotevẽva ndive teko joja ohupityuka peve opavavépe, ha hese ojeroviáne opa tetã”.

Ñandejára Jesucristo Ñe’ẽ