LECTURAS DEL VIERNES IV DE CUARESMA

LECTURAS DEL VIERNES IV DE CUARESMA

Ko’ágã ñahendúta Tupã Ñandejára ñe’ẽ Sabiduría arandukápe oĩ háicha  2, 1a. 12-22

Oime ojepy’a mongetáva ha ojavyhápe he’íva: Ñamoñuhã heko jojávape, oñemoĩgui ñande rapépe ha ndohejái jajapo jajaposéva, ñande rova api jajei haguére heko peguávagui, ha opa jajeheko mbo’e porã haguégui.

Heko jojáva he’i oikuaaha Tupãme, ha Ñandejára ra’yha he’i ijehe.

Hatã ñande rova api umi mba’e jaroviávare, ha henondépente jepe ndaikatúi ñaime, ha’e oikógui ñande jaiko’ỹ háicha ha oguata tape ambuére.

Heko ky’áva ramo ñande recha, ha tembe jeguarúpe ojei ñande rapégui.

Oguereko po’a ramo hekojojáva mano, ha ojejapo Tupã Ñandejára itúva haguére.

Jahechami añetépa opa he’íva, ha mba’éichapa opa amo ipahápe.

Heko jojáva Tupã Ñandejára ra’ýrõ añete, oipytyvõne, ha oipe’áne ichupe ohayhu’ỹva pógui.

Ñañe mboharáina hese ha jarereko asy, jahechami imbarete ha oha’arõ kuaápa.

Jajuka ichupe jaguáicha, he’i niko Tupã Ñandejára oipytyvõtaha ichupe.

Péicha oñe’ẽ iñañáva ha tuicha ojavy, heko aña ombohesa ypytũ ichupe kuéra.

Ha’e kuéra ndoikuaái Tupã Ñandejára rembipota, noha’arõi mba’eve teko marangatúgui, ha nomomba’éi heko potĩva jehepyme’ẽ.

Tupã Ñandejára Ñe’ẽ.

SALMO ÑEMBOHOVÁI      33, 17-21. 23

Opavave: Tupã Ñandejára oñemboja umi ohasa asývare.

Heko vaívagui katu ndoikuaaséi mba’eve, umíva opa va’erã tesaráipe.

Tupä Ñandejára ohendu umi ijohéi pyréva ñembo’e

ha oguenohẽ ichupe kuéra upe ojejopy vai hágui. O.

Tupä Ñandejára oñemboja umi ohasa asývare

ha oguenohẽ umi ikangypávape jejopy vaígui.

Heta mba’e vai rupi imarangatúva ohasa,

ha Ñandejára oguenohẽ ichupe umívagui . O.

Oñangareko ikãnguére, peteĩnte jepe nopẽi chéne

Tupã Ñandejára oguenohẽ jejopy vaígui hembiguáikuérape,

ha mba’eve ivaíva ndojejapói chéne umi hendápe oguahẽvare. O.

VERSÍCULO ANTES DEL EVANGELIO          Mt 4, 4b

Yvypóra kuéra ndoikovéi pe mbuja añóre

Tupä Ñandejára jurúgui osëva ñe’ëgui uvei.

EVANGELIO

Ñahendúta Ñandejára Jesucristo rekove ha hemimbo’e San Juan omombe’u háicha 7, 1-2. 10. 14. 25-30

Upe ramo Jesús oho oiko yvy Galiléape. Ndohoséi oiko Judéape, judío moakãhárakuéra ohekágui ichupe ojuka haguã. Hi’aguĩma judíokuéra omboarete haguã Enramada guy hérava.

Ityvýrakuéra oho rire, Jesús avei oho upe aretehápe. Kirirĩhamete oho, avave ohecha’ỹ haguãicha ichupe.

Upe arete mbyte rupíma oñeime jave, Jesús oho Tupaópe oporombo’e haguã.

Oĩ Jerusalenguáva upévo he’íva: Ndaha’éi piko kóva pe ojehekáva ojejuka haguã? Péina ápe oñe’ẽ hína opavave rovake, ha avave nde’íri ichupe mba’eve. Oiménepa ñane moakãhára kuéra oikuaa kóva ha’eha pe Mesías? Ñande niko jaikuaa porã moõguápa kóva. Jaikuaa avei, pe Mesías ou vove, avave ndoikuaái mo’ãiha moõguipa ou.

Jesús oporombo’éva hína Tupaópe, ohendúvo ko’ã mba’e hatã oñe’ẽ ha he’i:

Añete piko peikuaa mávapa che ha moõguipa aju? Che ndajúi che jeheguínte. Aju, che mboúgui peteĩ ijeroviaháva ha peẽ peikuaa’ỹva. Ha che aikuaa ichupe, ichugui  ajúgui ha ha’e che mboúgui.

Upévo, oĩ oguerahaséva Jesúspe omoĩ haguã ichupe yvyrakuápe. Opáichavo, avave ndopokói hese noguahẽigui gueteri hi’ára.

Ñandejára Jesucristo Ñe’ẽ.